Спорт
Јуве ќе ја напаѓа предноста на Атлетико, Сити без грижи го чека Шалке
Вечерва во Лигата на шампионите на програмата се два нови реванш натпревари од осмина-финалната фаза. Рашањата се дали Јувентус можат да ја стигнат негативата од 0:2 против Атлетико и може ли Шалке против Манчестер сити да приреди сензација, каква што минатата недела направија Ајакс и Манчестер Јунајтед?
Централен настан во осмина-финалето е пресметката помеѓу Јувентус и Атлетико Мадрид. Резултатот по првиот меч е 0:2 за Атлетико, поради што Јувентус и Кристијано Роналдо се наоѓаат пред голем предизвик.
Сите надежи на фановите, на Јувентус се вперени во Кристијано Роналдо, кој како играч на Реал на 32 натпревари против „јорганџиите“ постигнал 22 гола.
Еден од адутите на Атлетико во нападот ќе биде Алваро Мората, кој добро го познава окружувањето бидејќи две години со голем успех го носеше дресот на Јувентус.
Тренерите Масимилијано Алегри и Диего Симеоне имаат одредени кадровски проблеми, но се чини дека поголеми се проблемите на тренерот на Атлетико.
Чоло, кој поради непримераната прослава на голот во Мадрид но и дека е поранешен играч на Лацио и Интер, сигурно ќе биде мета на италијанските тифози, во тимот нема класичен лев бек.
Двајцата играчи што ја покриваат оваа позиција Лукас Хернандез и Фелипе Луис се повредени, а дополнителни главоболки му задаваат и суспензиите на Томас Парти и Диего Коста.
Алегри тимот ќе го составува без суспендираниот Алекс Сандро, Хуан Квадрадо поради повреда не е во комбинација, а веројатно од исти причини кај Јувебтус ќе ги нема Сами Кедира и Даглас Коста.
Манчестер сити се апсолутни фаворити против Шалке во реваншот, кој ќе го започнат со предност 3:2. Некое друго сценарио и креирало сензација поголема од она што минатат недела го направија најпрвин Ајакс против Реал во Мадрид, а потоа и Манчестер Јунајтед против ПСЖ во Париз.
Сепак формата во која се наоѓаат двата тима, Сити се борат за титулата во Премиер лигата, а Шалке е во долниот дел на табелата во Бундес лигата, вели дека „граѓаните“ без проблеми ќе го одработат овој дуел.
Натпреварите во Торино и Манчестер ќе започнат во 21 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Претседателот на Ла Лига јавно кажа дека е навивач на Реал
Претседателот на шпанската Ла Лига, Хавиер Тебас отворено призна дека навива за Реал Мадрид во интервју за „Експансион“. Овој факт е познат од поодамна, но сега за прв пат е и јавно потврден. Овој детал Тебас го откри додека го коментираше евентуалниот трансфер на Килијан Мбапе во Реал.
„Прво и основно, сето ова го кажувам како навивач на Реал Мадрид. Тоа е неверојатен трансфер, Мбапе е еден од најдобрите фудбалери во светот. Не можам да кажам дека е најдобар бидејќи мислам дека Белингам е најдобар, и зад него е Винисиус“, рече тој и потоа додаде:
„Мбапе е еден од најдобрите фудбалери во светот, затоа мора да бидеме среќни бидејќи таков играч доаѓа во нашата лига. Знам како Реал Мадрид планира да го обезбеди неговиот потпис, и покрај загриженоста и нестрпливоста на медиумите. Тоа го направија во добар момент.”
Да потсетиме, Мбапе на лето доаѓа во Реал Мадрид како слободен играч, откако ќе му заврши договорот со ПСЖ.
Спорт
(Видео) Кобајаши леташе 291 метар
Јапонскиот ски скокач Рјоју Кобајаши постави неофицијален светски рекорд во Исланд прелетувајќи 291 метар, што е за 37,5 метри подобро од официјалниот светски рекорд.
Рекордот Кобајаши го постави на специјално изградена скокалница во ски-центарот Хлидарфјал.
Кобајаши ги помести границите со летови од 256, 259 и 282 метри во двата дена од пробното натпреварување, а во средата го постави конечниот рекорд од 291 метар. Осум секунди бил во воздух и достигнал најголема брзина од 107,5 километри на час.
„Долго сонував за овој скок, отсекогаш сум сакал да летам подалеку од сите други и сакам да ги поместам границите“, изјави Кобајаши по најдолгиот лет во историјата.
Според соопштението за печатот на Ред Бул, специјалната скокалница е целосно изградена од снег. Врвот на залетиштето е на 1115 метри, а зоната на слетување завршува 360 метри подолу и има наклон од 36 степени.
Јапонецот во кариерата има 32 победи во Светскиот куп, два пати беше севкупен победник, има златен и сребрен медал од Олимписките игри во 2022 година, а три пати ја освојуваше и Новогодишната турнеја.
𝟐𝟗𝟏 𝐌𝐄𝐓𝐑𝐎́𝐖 ❗️
Ryoyu Kobayashi udowodnił, że niemożliwe nie istnieje ❗️#skijumpingfamily pic.twitter.com/Or7frTerSh
— Eurosport Polska (@Eurosport_PL) April 24, 2024
Спорт
Навивачите на Челси бараат клубот да го отпушти Покетино
Лошата сезона на Челзи кулминација доживеа синоќа на „Емирати“. Челси беше прегазен со 5:0 од градскиот ривал Арсенал.
Медиумите, а по нив и навивачите, за дебаклот го обвинија менаџерот Маурисио Покетино.
Револтираните навивачи на „сините“, како што пренесува „Фудбал инсајдер“, бараат аргентинскиот стручњак под итно да добие отказ.
Челси, досега има 13 победи, односно победи во една третина од натпреварите во Премиер лигата, премалку со оглед на вложувањата пред стартот на првенството.