Спорт
Јувентус е старо-нов шампион, со 36-та титула во историјата на клубот
Јувентус ја одбрани титулата во италијанската Серија А и на две коло пред крајот, се промовираше во старо-нов шампион. Вечерва „Старата дама“ од Торино со 2-0 славеше против Сампдорија во последниот натпревар од 36-тото коло и на тој начин се одлепи на недостижни 7 бода пред второпласираниот на табелата – Интер.
Цело полувреме Јуве се мачеше со жилавата екипа од Џенова, а отпорот беше скршен дури во седмата минута од продолжението на првото полувреме. Пјаниќ изведе слободен удар оддесно, го пронајде Кристијано Роналдо на работ на шеснаесетникот, а овој со силен удар го матираше противничкиот голман Аудеро.
Јуве ја имаше доминацијата, но и Самп имаше свои шанси.
Сепак, домашните искористија една контра за да го дуплираат водството. Во 67 минута Игуаин повлече контра, му додаде на Роналдо кој без размислување биеше. Голманот на гостите одбрани и кратко ја одби топката на која натрча Бернадески и ја смести во мрежата за 2-0.
До крајот на мечот, домашните „ја спуштија топката“. Сепак се створи и трета прилика за гол. Во 89 минута Јуве доби пенал. Фабио Депаоли прежестоко стартуваше со казнетиот простор и Роналдо доби можност за нов погодок. Сепак, не успеа и остана 2-0.
Роналдо стигна до 31 погодок во Серија А сезонава, има 3 помалку од водечкиот стрелец, Имобиле од Лацио.
Јувентус стигна до деветтата титула во низа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ларкин од еден се сели во друг крај на Истанбул
Шејн Ларкин е еден од кошаракрите чии договор истекува на крајот од сезоната.
Американецот, пет сезони го носи дресот на Ефес. Со овој клуб освои две титули во Евролигата.
Ларкин ја има најголемата плата во Евролигата. Годишно тој заработува четири милиони евра.
Прашање е дали Ефес ќе му понуди нов договор на 31-годишниот Американец.
Наводно, целата ситуација внимателно ја следат од другиот крај на Истанбул. Фенербахче е заинтересиран да го донесе Ларкин од наредната сезона.
Фенербахче не е единствениот клуб кој покажува интерес за Ларкин, но според медиумите води во трката за неговиот потпис.
Оваа сезона Ларкин има 17 поени по натпревар, 5,2 асистенции, три скока и 1,1 украдена топка.
Спорт
Ѓоковиќ: Горан е член на семејството, пријател
Ден по веста дека Новак Ѓоковиќ и Горан Иванишевиќ ја прекинаа соработката, српскиот тенисер тренираше во Белград, во Кошутњак со Ненад Зимоњиќ.
Хрватските медиуми во Белград, се обидоа да добијат дополнителни одговори, зошто тенисерот и тренерот ја прекинаа соработката.
Ѓоковиќ се подготвува за Мастерсот во Монте Карло.
Српскиот ас не сакаше да дава дополнителни коментари на актуелната тема, но љубезно им се заблагодари на сплитските новинари.
„Сега не можам ништо да коментирам, извинете што нема да ви го дадам тоа што го барате, но ви благодарам што дојдовте. Добредојдени сте да останете овде, но јас и Горан ја завршивме нашата соработка. Ја видовте објавата, така што…“, рече Ѓоковиќ и додаде.
„Горан е член на семејството, пријател засекогаш и така ќе биде. Професионално едноставно се разделивме, направивме историски резултат – најтрофејниот играч и тренер досега, па мислам дека се е кажано во тоа смисла“.
Спорт
Интер сериозно заинтересиран за голманот на Бразил
Бразилскиот голман Бенто (24), максимално ја искористи шансата која му се укажа по повредите на Алисон Бекер и Едерсон.
Бенто го бранеше голот на Бразил на неодамнешните пријателски натпревари против Англија (1:0) и Шпанија (3:3).
Она што го демонстрираше на „Вембли“ и „Сантијаго Бернабеу“ не мина незабележано, иако од претходно е на радарот на европските клубови. Наводно интерес за Бенто покажуваат Интер, Челзи, Нотингем Форест.
Бразилските медиуми пишуваат дека Атлетико Параненсе за него ќе бара отштета од 20.000.000 евра, а италијанските медиуми пренесуваат дека најблиску до него е Интер. Во клубот сметаат дека добро е Јан Сомер да добие силна конкуренција, а исто така Бразилецот би бич залог за иднината бидејќи има само 24 години.