Спорт
Јувентус нема да го отпуштат Пирло, ниту да го продадат Роналдо
Директорот на Јувентус, Фабио Паратичи признава дека перформансите при поразот од Беневенто не се „на стандардите на нашиот клуб“, но инсистира дека тие му ја даваат целосната поддршка на Андреа Пирло, но и на Кристијано Роналдо, и додава дека двајцата остануваат дел од стратегијата за иднината.
Поразот посебно боли бидејќи доаѓа од клуб кој немаше победа во последните 11 меча.
„Секако, ова беше неочекувано. Во текот на годините им дадовме на фановите многу причини з радост, но денеска им дадовме само разочарување. Ова беше лош меч, но сезоната продолжува и треба да работиме. Ова сепак, не ги менува нашите стратешки определби. Имаме проект кој почна минатата сезона и еден натпревар нема да ја смени стратегијата. Претходните тренери не беа сменети поради лошите резултати, туку поради различни причини. Со пораз или победа, стратегијата не се менува. Среќни сме со тоа што го имаме и ќе работиме на подобрување. Ова е Јуве, го имаме Кристијано Роналдо, најдобриот играч на светот и одиме понатаму“, вели Паратичи.
Самиот Пирло вели дека нема притисок, но додава дека е разочаран.
„Нема притисок, но има очекување за подобро од ова што го видовме. Ова беше лош ден во секој аспект, со однесувањето на теренот, техничките грешки, се! Кога играте вака, не може да победите. Скудето? Мораме да веруваме во тоа, да продолжиме да работиме и да не ја менуваме целта. Носиме скапоцен дрес и мора да го почитуваме секогаш“, вели Пирло.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.