Пари Сен-Жермен и Челси се првите два полуфиналисти во Лигата на шампионите, откако во реваншите успеаја да ја заддржат предноста од првото полувреме.

ПСЖ имаше повеќе од играта и шансите, но загуби од Баерн Минхен со 0:1, но 3:2 победата на гости им беше доволна да влезат во полуфиналето поради повеќе постигнати голови на гости, додека Челси по гостинската 2:0 победа над Порто, како домаќин во Севилја одиграа здодевен меч кој заврши 0:1 за гостите.

Тимот на Баерн пристигна ослабен на „Паркот на принцовите“ и со многу шпекулации во Германија околу конфликтот на тренерот Ханси Флик со спортскиот директор, Хасан Салихамиџиќ, но јасно беше дека минатогодишниот шампион не дојде со бело знаме кај фаворитите. Нејмар имаше посебно добар натпревар за ПСЖ, погодувајќи ја стативата и пречката во првото полувреме, но гостите успеаја да дојдат во водство во 43. минута, откако Ерик-Максим Чупо-Мотинг ја смести топката во мрежата на Кејлор Навас по ударот на Давид Алаба.

Во второто полувреме, ПСЖ повторно беше поконкретен – Нејмар во 53. минута не успеа да ја казни грешката на одбраната, а во 82. минута, голот на Килијан Мбапе беше поништен поради офсајд. Баерн тргнаа во потрага за голот, но нивното европско владеење на крајот заврши против тимот кого го победија во минатото финале. ПСЖ сега ќе го следат утрешниот меч на Манчестер сити и Борусија Дортмунд со интерес, бидејќи тоа е нивниот противник во полуфиналето.

Челси, пак, со убедлива 2:0 предност од првиот меч против Порто, играше „опуштено“ на „Рамон Санчез Писхуан“ во Севилја, во меч во кој во првото полувреме двата тима не успеаја да упатат ниту еден удар кон голот. Во самиот финиш на мечот, во 94. минута, Мехди Тареми постигна гол за 0:1 „пирова“ победа на Порто. Челси сега го чека противникот од подобриот од дуелот Реал Мадрид и Ливерпул.

ЛИГА НА ШАМПИОНИ, 1/4 ФИНАЛЕ, ВТОР МЕЧ

Пари Сен-Жермен – Баерн Минхен 0:1, прв меч 3:2, вкупно 3:3, ПСЖ одат понатаму поради повеќе голови во гости.

Челси – Порто 0:1, прв меч 2:0, вкупно 2:1

Ливерпул – Реал Мадрид 14.04, прв меч 1:3

Борусија Дортмунд – Манчестер сити 14.04, прв меч 1:2

ПОЛУФИНАЛЕ

Пари Сен-Жермен – Манчестер сити/Борусија Дортмунд

Реал Мадрид/Ливерпул – Челси

Јужноамериканската фудбалска конфедерација (ЦОНМЕБОЛ) потврди дека ќе има достапни 50.000 кинески вакцини за КОВИД-19 за имунизација на сите фудбалери пред Копа Америка ова лето.

Јужноамериканскиот шампионат се оддржува од 13 јуни до 10 јули во Аргентина и Колумбија, и ќе учествуваат само 10-те традиционални репрезентации: Бразил, Аргентина, Колумбија, Чиле, Венецуела, Еквадор, Уругвај, Парагвај, Перу и Боливија.

Кинеската фарамецвтска компанија „Синовак“ ги донира потребните вакцини.

„Ова е најдобрата вест за јужноамериканскиот фудбал. Ја поздравуваме солидарноста и поддршката од ‘Синовак’, компанија која сфаќа дека фудбалот е клучен за економијата, културата и физичкото и менталното здравје“, изјави претседателот на ЦОНМЕБОЛ, Алехандро Домингез.

УЕФА досега ги отфрлаше сите предлози за задолжително вакцинирање на Европското првенство, кое стартува на 11 јуни, со Македонија како една од земјите учесници.

Реал Мадрид имаат освоено 13 европски титули, бројка која оттогаш не им донесе многу среќа – Кристијано Роналдо си замина тоа лето, а „кралевите“ беа елиминирани од Ајакс и Манчестер сити следните две сезони.

Но „кралевите“ очигледно не се суеверни, откако полетаа за Ливерпул на вторник 13-ти, ден кој во голем дел од Европа се смета за несреќен, а покрај тоа, решија да престојуваат во хотелот „Титаник“, a мечот ќе го играат на истиот ден на кој се одбележува 109-годишнината на трагичното потонување на бродот со исто име во 1912 година.

Уште црна мачка да им претрча пред „Енфилд“.