Спорт
Како Златан сфатил дека Манчестер јунајтед се клуб со „мал менталитет“
Златан Ибрахимовиќ во својата кариера играше за некои од најголемите фудбалски клубови, но Швеѓанецот очигледно не ги вбројува Манчестер јунајтед меѓу нив, откако во новата автобиографија зборува за „малиот менталитет“ на клубот.
40-годишниот Швеѓанец пристигна во Јунајтед од ПСЖ во 2016 година, и имаше 28 гола во првата сезона за „ѓаволите“, пред да го повреди коленото, и да се пресели во Лос Анџелес галакси. Во автобиографијата „Адреалин“, тој пишува дека е изненаден што еден од најбогатите и најмоќни клубови на светот му скратил 1 фунта од платата за тоа што си земал еден сок од заедничкиот фрижидер на гостување.
„Едно нешто ме изненади – сите сметаа дека Јунајтед е врвен клуб, еден од најбогатите и најмоќните на светот кога ќе се гледа однадвор. И јас мислев така, но кога пристигнав таму најдов мал, затворен менталитет. Еден ден бев во хотелот со тимот пред натпревар, бев жеден и го отворив мини-барот и најдов сок. Игравме и се вративме дома. Стигна платата, обично не ја гледам, и само на крајот на годината разгледав што се случи. Се зачудив зошто ми е одземена една фунта од платата. Го повикав менаџерот: ‘Зошто ми одземавте фунта од платата?’. Тие разгледаа и ми кажаа: ‘За сокот од мини-барот’. Ви се верува ли? Една фунта? Такво нешто икогаш не би се случило во Италија. Тоа се деталите кои прават разлика и носат почит од фудбалерите“, пишува Златан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Навивачите на Челси бараат клубот да го отпушти Покетино
Лошата сезона на Челзи кулминација доживеа синоќа на „Емирати“. Челси беше прегазен со 5:0 од градскиот ривал Арсенал.
Медиумите, а по нив и навивачите, за дебаклот го обвинија менаџерот Маурисио Покетино.
Револтираните навивачи на „сините“, како што пренесува „Фудбал инсајдер“, бараат аргентинскиот стручњак под итно да добие отказ.
Челси, досега има 13 победи, односно победи во една третина од натпреварите во Премиер лигата, премалку со оглед на вложувањата пред стартот на првенството.
Спорт
Судот одлучува за фантомскиот гол на Јамал? Лапорта ќе поднесе тужба против РФЕФ
Барселона ќе ја тужи Шпанската фудбалска федерација (РФЕФ) поради, како што смета, неправдата на Ел Класико.
Ова значи дека судот треба да пресуди дали топката по ударот на Ламине Јамал ја минала гол-линијата.
Барселона, во неделата, доживеа пораз во Мадрид од Реал (3:2).
Фантомскиот гол на Ламине Јамал се уште е тема на шпанските медиуми, но и ситуација од која не се откажуваат во канцелариите на „Камп Ноу“.
Претседателот на Барселона, Џоан Лапорта фи побара од РЕФЕ снимките од ВАР собата (видео и аудио комуникацијата). п
Федерацијата го одби барањето и соопшти дека нема да направи исклучок за Барселона. Сега Барселона сака да добие дозвола видео-записот да му го предаде судот. Лапорта побара и да се повтори Ел Класико.
Во шпанскиот шампионат нема гол-технологија, а ВАР сметаше дека топката не ја минала линијата со полн волумен.
Спорт
Капитенот реши да си замине од Атлетик Билбао
Икер Муниаин реши да го напушти својот Атлетик Билбао на крајот од сезоната.
Легендарниот офанзивец по освојувањето на Купот на кралот сфати дека тоа е најдобриот момент да се збогува со својот сакан клуб, по цели 20 години.
Муниаин е секако дете на клубот, а во академијата на Атлетико пристигна како 11-годишник и ќе замине втор на листата на одиграни натпревари, досега 557, но нема да го престигне недопирливиот Ќоп Ирибара, кој одигра 614.
Но, Муниан реши да си замине во вистински момент, има 31 година, конечно го освои Копа дел Реј, претходно Суперкупот на Шпанија во 2015 и 2021 година.
Нема намера да остане во Шпанија, голема е веројатноста да ја напушти и Европа, иако се уште нема донесено конечна одлука за тоа.
Својата одлука Муниаин веќе им ја соопштил на соиграчите и раководството на клубот, за до крајот на сезоната достојно да се збогуваат од навивачите и од „Сан Мамеш“.
Инаку, Муниан дебитираше за првиот тим уште на 30 јули 2009 година против Јанг Бојс и постигна 75 гола за Атлетик.
Погледнете го неговото емотивно видео кое го најавува неговото заминување од Атлетик Билбао…