Спорт
Канаѓаните штрајкуваат, не го одиграа натпреварот со Панама
Подготвителниот натпревар на Канада за Светското првенство во Катар против Панама не се одигра поради штрајкот на канадските репрезентативци. Тие го одржаа ветувањето дека нема да играат натпревари додека не биде решен спорот со Федерацијата за распределбата на премиеите по изборениот пласман на планетарното првенство.
Канадските фудбалери, предводени од капитенот Милан Борјан, не сакаа да тренираат в петок и сабота, а потоа одбија да го одиграат натпреварот против Панама.
Канадската репрезентација со месеци чека на договор за распределба на парите заработени со пласманот на Светското првенство во Катар.
Се вели дека канадската Федерација заработила 10 милиони долари, на играчите федерацијата им понудила 10 отсто од таа сума. Сепак, тие бараат најмалку 40 отсто од сумата што би била поделена на 33 играчи во зависност од бројот на одиграни натпревари.
Фудбалерите бараат и исти бонуси да добие и женската репрезентација.
„Во март почнавме разговори за договор со Федерацијата. Поради тоа што лидерите ги одложија преговорите и отидоа на одмор, преговарачкиот процес непотребно се продолжи. Затоа, иако неволно, решивме да не го играме нашиот натпревар против Панама“, изјавија репрезентативците.
Следниот натпревар Канада треба да го одигра в четврток против Куракао во Ванкувер, а потоа на 13 јуни во Хондурас е закажан дуел од Лигата на нациите во КОНКАКАФ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Премиер лигата им забрани на собирачите на топки да ја враќаат топката во игра
Премиер лигата воведе ново правило кое се однесува на момчињата кои ги собираат топките, пишуваат англиските медиуми. Тие повеќе нема да смеат да им ги фрлаат топките на играчите, туку ќе мора да ги ставаат на одредени места до теренот. Оваа измена е воведена за домашните екипи да не имаат неправедна предност.
Во последниве години, тренерите почнаа да им придаваат се поголемо значење на собирачите на топки, некои од нив дури лично да им даваат инструкции како да ја вршат својата работа.
Најчесто акцентот се ставаше на побрзо фрлање на топката кон играчите за да се забрза играта во обид да се изненади противникот. Исто така, собирачите на топки знаеја да прават мали опструкции кога нивниот тим ја има предноста.
Со воведувањето на оваа промена, Премиер лигата се обидува да создаде еднакви услови и за домашните и за гостинските екипи.
Спорт
Чаби Алонсо ги одби гигантите ќе остане во Леверкузен
Чаби Алонсо потврди дека и наредната сезона ќе го предводи Баер Леверкузен. Шпанецот со „фармацевтите“ е на добра пат да ја освои првата Бундес лигата во клупската историја. Неговиот тим, во сите натпреварувања од почетокот на сезоната, нема доживеано ниту еден пораз.
Чаби Алонсо долго време се поврзуваше со Ливерпул и Баерн Минен, клубови за кои играше во кариерата, но денес стави крај на тие шпекулации.
„Имав многу добри разговори со челниците на клубот и им кажав дека сакам да останам во Баер. Ова е најдоброто место за мене “, изјави Чаби Алонсо и продолжи:
„Нема да коментирам за Ливерпул или Баерн. Тие се големи клубови и јас сум поврзан со нив. Сепак, сега сум таму каде што сакам да бидам. Сега не е време да зборувам за иднината, сакам да се развивам понатаму во Баер. Веќе им ја соопштив одлуката на играчите “, рече 42-годишниот тренер.
Алонсо го презеде Леверкузен во октомври 2022 година, а пред тоа го тренираше вториот тим на Реал Сосиедад.
Спорт
Шекил: Сакам Симонс да ме научи како за 55 натпревари заработи 80 милиони долари
Изјавата на Шекил О’Нил во еден подкаст, во пресрет на почетокот на плеј-офот во НБА лигата, привлече големо внимание во САД.
Еден од најдобрите центри во историјата на кошарката, саркастично одговори на прашањето за кои играчи би платил карта да ги гледа во живо.
„Бен Симонс, затоа што сакам да научам како можеш да заработиш 80 милиони, а да одиграш само 55 натпревари. Научи ме човеку. Научи ме како можеш да одиграш 55 натпревари во три сезони и да добиеш 30 милиони, 40 милиони и уште 40 милиони само за да рекол дека го боли грбот“, рече четирикратниот шампион во НБА.
Симонс во 2016 година беше прв пик на драфтот, го избра Филалделфија, во чии редови беше до 2022 година кога се пресели во Бруклин Нетс. За Бруклин во првата сезона одигра 40 натпревари, а оваа само 15.