Спорт
Карачиќ ја однесе Хрватска во полуфинале, Германците потклекнаа во финишот
Ракометната репрезентација на Хрватска е во полуфиналето на ЕП откако вечерва во драматичен меч славеше тесна победа со резултат 25-24 против селекцијата на Германија.
Ракометната публика уживаше во неизвесен меч кој беше решен со одбрана на хрватскиот голман Марин Шего во последните секунди. Иако хрватскиот чувар на мрежата не фати речиси ништо цел меч, го спречи обидот на Колбахер за голема радост на хрватските навивачи во „Штадхале“ во Виена.
Инаку играч на натпреварот беше довчерашниот ракометар на Вардар, Игор Караџиќ кој со 7 гола го предводеше тимот на Лино Червар кон голем успех. Караџиќ беше стрелец и на последниот гол за водство на Хрватска од 25-24.
Мачот го одбележа одлична игра во одбраната, посебно од страна на германскиот состав во првото полувреме. Германците во првиот дел постојано играа на работ на исклучување, а тоа им се исплатеше затоа што на полувреме имаа + 4 (14-11).
Во вториот дел продолжи тактичкото надмудрување на двајцата тренери, но Германија беше во предност, пред се поради одбраните на Волф и летаргичноста на Шего и Ашанин на спротивната страна.
Најефикасни кај Хрватска беше Карачиќ со 7, Дувњак со 5 и Степанчиќ со по 4 гола.
Кај Германија Вебер, Генсхајмер и Кастенинг постигнаа по 4 погодоци.
Watch the Game Highlights from Croatia vs. Germany, 01/18/2020 pic.twitter.com/Xz6A6m4w9E
— EHF EURO (@EHFEURO) January 18, 2020
They'll remember this moment. ?@HRStwitt ??#ehfeuro2020 #dreamwinremember pic.twitter.com/6qTTCu4hp6
— EHF EURO (@EHFEURO) January 18, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Претседателот на Ла Лига јавно кажа дека е навивач на Реал
Претседателот на шпанската Ла Лига, Хавиер Тебас отворено призна дека навива за Реал Мадрид во интервју за „Експансион“. Овој факт е познат од поодамна, но сега за прв пат е и јавно потврден. Овој детал Тебас го откри додека го коментираше евентуалниот трансфер на Килијан Мбапе во Реал.
„Прво и основно, сето ова го кажувам како навивач на Реал Мадрид. Тоа е неверојатен трансфер, Мбапе е еден од најдобрите фудбалери во светот. Не можам да кажам дека е најдобар бидејќи мислам дека Белингам е најдобар, и зад него е Винисиус“, рече тој и потоа додаде:
„Мбапе е еден од најдобрите фудбалери во светот, затоа мора да бидеме среќни бидејќи таков играч доаѓа во нашата лига. Знам како Реал Мадрид планира да го обезбеди неговиот потпис, и покрај загриженоста и нестрпливоста на медиумите. Тоа го направија во добар момент.”
Да потсетиме, Мбапе на лето доаѓа во Реал Мадрид како слободен играч, откако ќе му заврши договорот со ПСЖ.
Спорт
(Видео) Кобајаши леташе 291 метар
Јапонскиот ски скокач Рјоју Кобајаши постави неофицијален светски рекорд во Исланд прелетувајќи 291 метар, што е за 37,5 метри подобро од официјалниот светски рекорд.
Рекордот Кобајаши го постави на специјално изградена скокалница во ски-центарот Хлидарфјал.
Кобајаши ги помести границите со летови од 256, 259 и 282 метри во двата дена од пробното натпреварување, а во средата го постави конечниот рекорд од 291 метар. Осум секунди бил во воздух и достигнал најголема брзина од 107,5 километри на час.
„Долго сонував за овој скок, отсекогаш сум сакал да летам подалеку од сите други и сакам да ги поместам границите“, изјави Кобајаши по најдолгиот лет во историјата.
Според соопштението за печатот на Ред Бул, специјалната скокалница е целосно изградена од снег. Врвот на залетиштето е на 1115 метри, а зоната на слетување завршува 360 метри подолу и има наклон од 36 степени.
Јапонецот во кариерата има 32 победи во Светскиот куп, два пати беше севкупен победник, има златен и сребрен медал од Олимписките игри во 2022 година, а три пати ја освојуваше и Новогодишната турнеја.
𝟐𝟗𝟏 𝐌𝐄𝐓𝐑𝐎́𝐖 ❗️
Ryoyu Kobayashi udowodnił, że niemożliwe nie istnieje ❗️#skijumpingfamily pic.twitter.com/Or7frTerSh
— Eurosport Polska (@Eurosport_PL) April 24, 2024
Спорт
Навивачите на Челси бараат клубот да го отпушти Покетино
Лошата сезона на Челзи кулминација доживеа синоќа на „Емирати“. Челси беше прегазен со 5:0 од градскиот ривал Арсенал.
Медиумите, а по нив и навивачите, за дебаклот го обвинија менаџерот Маурисио Покетино.
Револтираните навивачи на „сините“, како што пренесува „Фудбал инсајдер“, бараат аргентинскиот стручњак под итно да добие отказ.
Челси, досега има 13 победи, односно победи во една третина од натпреварите во Премиер лигата, премалку со оглед на вложувањата пред стартот на првенството.