Спорт
„Карамелите“ го освоија „Енфилд“ – првпат по 1999 година
По пауза од цели 23 меча или по пауза од 1999 година екипата на Евертон слави триумф на стадионот на лутиот градски ривал Ливерпул, на „Енфилд“.
„Карамелите“ предводени од Карло Анчелоти славеа со 2-0 и му го нанесоа на актуелниот англиски шампион четвртиот пораз во низа во Премиерлигата.
Да биде маката за Јирген Клоп уште поголема, на овој меч се повреди и капитенот на тимот, Џордан Хендерсон.
А Евертон водеше речиси цел меч.
Уште во третата минута, Ришарлисон погоди покрај немоќниот Бекер откако „како на тацна“ беше проигран од Хамес Родригес.
Во првиот дел по примениот гол Ливерпул се врати во живот, топката најчесто беше на противничката половина. Трент-Александер се закани неколкупати, а посебно добар беше ударот на Хендерсон во 20 минута што голманот Пикфорд со крајни напори успеа да го исфрли во корнер.
Во 30 минута Хендерсон поради повреда мораше да го напушти теренот, на негово место влезе младиот Филипс.
На стартот на вториот дел Ришарлисон повторно ја затресе мрежата на Бекер, но овој погодок беше поништен поради офсајд позиција.
Салах во 70 минута се закани, но Пикфорд денеска беше на висината на задачата.
Крај на сите маки на „црвените“ од „Енфилд“ стави Гилфи Сигурдсон од пенал, во 83 минута. Тој беше егзекурот на најстрогата казна откако Трент-Александер стартуваше неправилно во својот шеснаесетник.
Со овој пораз, четврти по ред за „црвените“ шампионот е многу далеку од одбраната на титулата. Во моментов заостанува цели 16 бода зад лидерот Манчестер Сити.
Евертон, пак, сега се израмни со бројот на бодови со Ливерпул, двата тима имаат по 40.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
УЕФА го суспендира Емилијано Мартинез
Голманот на Астон Вила, Емилијано Мартинез, поради суспензија ќе го пропушти првиот полуфинален натпревар од Конференциската лига против Олимпијакос, потврди Европската фудбалска унија (УЕФА).
Мартинез, во четвртокот, во реваншот од четвртфиналето против Лил доби жолт картон во 39. минута, а втор жолт картон при изведувањето на пенали поради неспортско однесување кон домашните навивачи.
Аргентинскиот голман не беше исклучен, бидејќи жолтите картони во текот на натпреварот не важат во пенал серијата.
Сепак светскиот првак со Аргентина доби суспензија. УЕФА го казни Мартинез бидејќи во пенал-серијата константно ја провоцираше домашната публика.
Астон Вила по изведувањето пенали го победи Лил со 4:3, а Мартинез одбрани два пенали, во првата и петтата серија им одбрани на Бенталеб и Андре.
Првиот натпревар од полуфиналето на Конференциската лига меѓу Астон Вила и Олимпијакос ќе се одигра на 2 мај во Бирмингем, а реваншот седум дена подоцна во Грција.
Спорт
Барселона сака да го врати Олмо
Дани Олмо, веројатно ќе го напушти Лајпциг во летниот преоден рок. Шпанскиот репрезентативец има откупна клаузула од 60.000.000 евра, сума која за богатите клубови не претставува никаков проблем.
Меѓу заинтересираните екипи се Манчестер јунајтед, Баерн и Барселона, од чија младинска школа потекнува Олмо.
Шпанецот оваа сезона одигра 22 натпревари за Лајпциг, постигна осум гола и забележа пет асистенции.
Како јуниор од Барселона премина во Динамо Загреб, како дел од трансферот на Ален Халиловиќ, а потоа за 29 милиони евра се пресели во Лајпциг.
Спорт
Ферстапен на пол-позицијата во Кина, Хамилтон ќе стартува од 18.место
Макс Ферстапен по победата во спринтот, доминираше и во квалификациите во пресрет на трката за Големата награда на Кина. Апсолутната доминација на Ред Бул ја потврди Серхио Перез кој трката ќе ја стартува од второто место.
Актуелниот светски првак со време 1:33.660 ја освои 37 пол-позиција во кариерата, а на Ред Бул му ја донесе јубилејната 100. победа во квалификациите.
Зад возачите на Ред Бул, од вториот ред трката ќе ја започнат Фернандо Алонсо (Астон Мартин и Ландо Норис (Мекларен).
Во Топ 10 место изборија Оскар Пјастри (Мекларен), двоецот од Ферари, Шарл Леклер и Карлос Саинц, односно Џорџ Расел (Мерцедес), Нико Хулкенберг (Хас) и Валтери Ботас (Заубер).
Во квалификациите потфрли Луис Хамилтон. Седумкратниот светски првак, откако спринт трката ја заврши на второто место, во квалификациите заврши на 18.место.
Траката за Големата награда на Кина, утре ќе започне во 9 часот по македонско време.