Спорт
Кари и Грин ги „здробија“ Портланд (Видео)
Голден Стејт Вориорс се пласираа во големото финале во НБА лигата, каде ќе ја бранат титулата освоена минатата година. Во финалето на Западот Голден Стејт со чисти 4-0 ги елиминираа Портланд Трејлблејзерс. Вориорс се изборија за своето петто последовно финале во НБА, лигата.
Натпреварот број 4 во Портланд, Вориорс го решија во продолжението со 119:117, откако во регуларниот дел немаше победник (111:111).
Вориорс, на овој меч играа без Андре Игудала, што само ја зголеми нивната листа на повредени, на која веќе се наоѓаат Демеркус Казинс и Кевин Дурент, но уште еднаш покажаа зошто се една од најдобрите генерации во историјата на лигата.
Актуелните шампиони успеаја да го преживаеат и Мајерс Ленард. Крилниот играч на Портланд, кој во просек имаше пет поени по натпревар во плеј-офот, во четвртиот меч на Вориорс им уфрли 25 поени во првото полувреме.
Портланд на 100 секунди до крајот имаа 111:108, кога Клеј Томпсон погоди тројка и го однесе мечот во дополнителните пет минути. Таму блесна Дрејмонд Гри, на 38 секунди до крајот тој ја постигна решавачката тројки.
Стеф Кари и Дрејмонд Грин од Голден стејт, мечот го завршија со по трипл-дабл, што е прв ваков случај во историјата на НБА лигата, соиграчи да стигнат до вакви остварувања на ист натпревар.
Кари забележа 37 поени, 13 скока и 11 асистенции, а Грин 18 поени, 13 скока и 11 асистенции.
Кај Портланд Мајерс Ленард постигна 30 поени, на кои придодаде 12 скока, но во завршницата не доби ниту еден шут од соиграчите. Демијан Лилард забележа 28 поени и 12 асистенции, а Си Џеј Мекалум постигна 26 поени.
Ворирос титулата ќе ја бранат против Милвоки Бакс или Торонто Репторс, резултатот во оваа серија е 2-1 за Милвоки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Гигантите од Евролигата се против влезот на Дубаи
Според сознанијата на шпанскиот кошаркарски портал „Енцестандо“, неколку гиганти од Евролигата се против идејата Дубаи да се приклучи во елитното натпреварување.
Иако пред неколку месеци беше претставено дека Дубаи дефинитивно ќе биде дел од европското натпреварување, може да дојде до пресврт.
Парите кои тимот би ги донел во Евролигата засега не се доволна причина.
„Енцестандо“ пренесува дека Реал е предводник на клубовите кои се противат на влезот на Дубаи цели седум години.
Наводно на страната на Реал застанале и Фенербахче и Баерн кои не сметаат дека парите треба да бидат пресуден фактор.
Еден од проблемите што би можел да го донесе Дубаи е нарушувањето на пазарот на играчи, бидејќи може да понуди многу повисоки плати од оние што моментално се во Европа.
Таму не се плаќаат даноци, па би било многу полесно да се ангажираат играчи отколку во другите европски земји.
„Енцестандо“ пренесува дека Дубаи наводно веќе им понудил договори на некои од играчите на најдобрите европски тимови со избраниот тренер Светислав Пешиќ.
Шпанците пишуваат и дека датумот кога ќе се гласа за влез на Дубаи се уште не е ни блиску.
Првобитното гласање требаше да се одржи во средината на март, а потоа беше одложено.
Во меѓувреме Дубаи е примен во АБА-лигата и примарната идеја е следната година прво да игра во Еврокупот, па дури потоа да дојде за прием во Евролигата.
Спорт
(Видео) Братот на Никола Јокиќ удрил навивач
Братот на Никола Јокиќ, Страхиња влегол во конфликт со навивач по мечот меѓу Денвер и ЛА Лејкерс.
Нагетс поведоа со 2-0 во серијата, благодарение на кошот, кој со звукот насирената го постигна Џамал Мареј (101:99), но едено видео кое се појави по натпреварот ја шокираше јавноста.
На снимката се гледа како братот на Никола, Страхиња слегува и удира навивач.
На трибините беа и вториот брат на кошаркарот на Денвер, Немања и неговата сопругата Наталија и ќерката Огњена.
Следниот натпревар помеѓу Лејкерс и Нагетс е закажан во Лос Анџелес во петок од 4 часот.
The Jokic bros fighting fans last night 😳
(Via cgallegos67 / h/t @ClutchPoints )
— NBACentral (@TheDunkCentral) April 23, 2024
Спорт
Тројцата исклучени во дербито ги дознаа казните
Дисциплинскиот судија во Серија А експресно ги одреди казните за играчите кои синоќа беа исклучени на натпреварот помеѓу Милан и Интер во 33. коло од Серија А. Интер славеше со 2.1 и ја обезбеди титулата на пет кола до крајот на сезоната.
Капитенот на Милан, Давиде Калабрија, доби црвен картон во 97.минута, откако го удри без топка Давиде Фратези. Тој е суспендиран на два натпревари.
Во петтата минута од судиското надополнување дојде до тепачка помеѓу играчот на Милан, Тео Ернандез и играчот на Интер, Дензел Дамфрис, по што и двајцата добија црвени картони. Тие ќе пропуштат еден натпревар.
Дисциплинскиот судија им изрече и парични казни од по 10.000 евра.