Спорт
Кари не погоди ништо, Финикс во дербито ги победи Голден стејт
Финикс санс го доби дербито на двете најдобри екипи во НБА-лигата. Санси славеа во дуелот со Голден стејт вориорс, 104:96. Натпреварот го обележа повредата на Девин Букер и лошото издание на Стеф Кари.
Натпреварот во „Футпринт центар“ донесе голема борба до самиот финиш, кога Санси првпат на натпреварот стекнаа двоцифрена предност. На крајот Финикс ја забележа 17. победа во низа. На наредниот меч, со Детроит, ќе имаат можност да го изедначат клупскиот рекорд.
Диандре Ејтон забележа 24 поени и 11 скокови, Крис Пол имаше 15 поени и 11 асистенции. На спротивната страна Џордан Пул со 28 поени беше најефикасниот играч на теренот. Стеф Кари погоди само три тројки оф 14 обиди, мечот го заврши со 12 поени.
Санси од втората четвртина играа без Девин Букер, кој се повреди.
Двата тима сега имаат скор од 18 победи и три порази.
Неизвесно и возбудливо беше во дербито на Њујорк. Бруклин со поените на Џејмс Џонсон од линијата за слободни фрлања го порази Њујорк никс, 112.110.
Кевин Дурент мечот го заврши со 27 поени. Најдобар на теренот беше Џејмс Харден со 34 поени, 10 скока и осум асистенции. Њујорк го предводеше Џулиус Рендл со 24 поени, девет скока и осум асистенции.
Лејкерси, без Леброн Џејмс, го декласираа Сакраменто, 117:92. Џејмс, поради здравствените протоколи не настапи во Сакраменто. Ентони Дејвис уфрли 25, а Расел Вестбрук 23 поени за Лејкерси.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.