Спорт
Карлос Роа ги одбил Јунајтед бидејќи мислел дека во 2000 ќе дојде крајот на светот
Поранешниот аргентински репрезентативен голман, Карлос Роа вели дека бил на чекор до потпис со Манчестер јунајтед во 1999 година, пред трансферот да пропадне поради неговата ненадејна одлука да се пензонира поради стравот од „крајот на светот“.
Аргентинецот беше високо ценет по настапот на Светското првенство во 1998 година, додека Јунајтед бараа замена за Алекс Шмајхел кој замина во 1999 година, меѓутоа како пречка се покажа религиозната убеденост на Роа, како член на адвентистичката црква, и тој се пензионираше како голман на Реал Мајорка на 30-годишна возраст. Тој верувал дека светот ќе заврши во 2000.
„Тогаш бев многу приврзан кон религијата и кон проучувањето на библијата. Одлуката беше тешка, но во исто време и промислена и сите членови на моето семејство се сложија. Луѓето од клубот веруваа дека ќе се вратам и ќе заработат многу пари од трансферот. Денеска, на спиритуално ниво, мислам дека тоа беше добра одлука, иако на спортски план не беше – си заминав во најдобрите денови на мојата кариера. Можев да играм во Англија и да станам уште подобар“, вели Роа за „Дејли мирор“.
Роа се врати на фудбалот една година подоцна, но никогаш не ја врати формата и играше во ниските шпански лиги. Јунајтед се мачеа да најдат за мена за Шмахјел со Марк Боснич, Фабиен Бартез, Рој Керол и Тим Хауард, пред Едвин ван дер Сар да стане сигурен број 1 во 2005 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Гигантите од Евролигата се против влезот на Дубаи
Според сознанијата на шпанскиот кошаркарски портал „Енцестандо“, неколку гиганти од Евролигата се против идејата Дубаи да се приклучи во елитното натпреварување.
Иако пред неколку месеци беше претставено дека Дубаи дефинитивно ќе биде дел од европското натпреварување, може да дојде до пресврт.
Парите кои тимот би ги донел во Евролигата засега не се доволна причина.
„Енцестандо“ пренесува дека Реал е предводник на клубовите кои се противат на влезот на Дубаи цели седум години.
Наводно на страната на Реал застанале и Фенербахче и Баерн кои не сметаат дека парите треба да бидат пресуден фактор.
Еден од проблемите што би можел да го донесе Дубаи е нарушувањето на пазарот на играчи, бидејќи може да понуди многу повисоки плати од оние што моментално се во Европа.
Таму не се плаќаат даноци, па би било многу полесно да се ангажираат играчи отколку во другите европски земји.
„Енцестандо“ пренесува дека Дубаи наводно веќе им понудил договори на некои од играчите на најдобрите европски тимови со избраниот тренер Светислав Пешиќ.
Шпанците пишуваат и дека датумот кога ќе се гласа за влез на Дубаи се уште не е ни блиску.
Првобитното гласање требаше да се одржи во средината на март, а потоа беше одложено.
Во меѓувреме Дубаи е примен во АБА-лигата и примарната идеја е следната година прво да игра во Еврокупот, па дури потоа да дојде за прием во Евролигата.
Спорт
(Видео) Братот на Никола Јокиќ удрил навивач
Братот на Никола Јокиќ, Страхиња влегол во конфликт со навивач по мечот меѓу Денвер и ЛА Лејкерс.
Нагетс поведоа со 2-0 во серијата, благодарение на кошот, кој со звукот насирената го постигна Џамал Мареј (101:99), но едено видео кое се појави по натпреварот ја шокираше јавноста.
На снимката се гледа како братот на Никола, Страхиња слегува и удира навивач.
На трибините беа и вториот брат на кошаркарот на Денвер, Немања и неговата сопругата Наталија и ќерката Огњена.
Следниот натпревар помеѓу Лејкерс и Нагетс е закажан во Лос Анџелес во петок од 4 часот.
The Jokic bros fighting fans last night 😳
(Via cgallegos67 / h/t @ClutchPoints )
— NBACentral (@TheDunkCentral) April 23, 2024
Спорт
Тројцата исклучени во дербито ги дознаа казните
Дисциплинскиот судија во Серија А експресно ги одреди казните за играчите кои синоќа беа исклучени на натпреварот помеѓу Милан и Интер во 33. коло од Серија А. Интер славеше со 2.1 и ја обезбеди титулата на пет кола до крајот на сезоната.
Капитенот на Милан, Давиде Калабрија, доби црвен картон во 97.минута, откако го удри без топка Давиде Фратези. Тој е суспендиран на два натпревари.
Во петтата минута од судиското надополнување дојде до тепачка помеѓу играчот на Милан, Тео Ернандез и играчот на Интер, Дензел Дамфрис, по што и двајцата добија црвени картони. Тие ќе пропуштат еден натпревар.
Дисциплинскиот судија им изрече и парични казни од по 10.000 евра.