Спорт
Касано: Марота е луд ако на Јунајтед му даде 85 милиони евра за Лукаку!
Контроверзниот италијански фудбалер, Антонио Касано и понатаму продолжува со истата практика како во минатото – да си каже се што му лежи на душа.
Екс-фудбалерот на Рома, Милан, Интер и Сампдорија се осврна на состојбите во Рома, но и за „сапуницата“ Ромелу Лукаку до Јунајтед, односно Мауро Икарди од Интер.
Касано смета дека Марота е луд ако ја прифати „играта“ на Манчестер Јунајтед и за белгискиот напаѓач им исплати на „ѓаволите“ 85 милиони евра.
„Искрено, не го сакам Лукаку како играч, поради тоа сметам дека тоа што за него го бара Јунајтед е чисто лудило и смешка“ – вели Касано.
Тој вели дека ако тој се прашува, би го жртвувал Икарди и на негово место би го донел Гонзало Игуаин од Јувентус.
„Навистина тоа би го направил, би го дал Икарди за Игуаин. Да сум вработен во Интер, тоа би бил мојот потег, оти очигледно е дека Мауро во клубот е само товар“ – смета Италијанецот.
Тој е сигурен дека за титулата во новата сезона ќе се борат Интер и Јувентус.
„Интер има топ играчи и тренер на клупата. Конте сигурно ќе го донесе Интер што поблиску до Јуве во борбата за Скудетото. Пред нас е возбудлива сезона во Серија А. Разочарам сум што Макс Алегри си отиде, но кога ќе се врати, тоа ќе биде во голем клуб“ – смета Касано.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Милик му обезбеди финале во Купот на Јувентус
Фудбалерите на Јувентус загубија од Лацио во Рим со 2:1, во вториот натпревар од полуфиналето на Купот на Италија. И покрај поразот Јувентус се пласира во своето 22. финале во Купот. Пресуди првиот меч кој Јувентус го доб со 2:0.
Лацио многу подобро го започна натпреварот, веќе во 12. минута поведе. Валентин Тати Кастеланос погоди на асистенција на Луис Алберто.
До крајот на првото полувреме немаше промена на резултатот.
Кастељанос погоди и во 49. минута, а асистент уште еднаш беше Луис Алберто – 2:0.
Се чинеше дека дуелот ќе оди во продолженија, но Јувентус успеа да се извлече во финишот.
Акрадиуш Милик, во 83.минута, во првиот контакт со топката намали на 2:1. Полјакот влезе на теренот на местото на Влаховиќ.
Јувентус во финалето го чека подобриот од дуелот меѓу Фиорентина и Аталанта.
Тимот од Фиренца успеа да слави на првиот натпревар со 1:0, реваншот е утре во Бергамо.
Финалето е на програмата на 15.мај.
Спорт
(Видео) Арсенал го декласира Челси
Арсенал го декласира Челси во заостанатиот натпревар од 29.коло во Премиер лигата. во градската пресметка со 5:0. „Тобџиите“ дојдоа до 77 бода, први се на табелата, имаат три бода повеќе од Ливерпул и три од Манчестер сити, но црвените имаат еден, а „граѓаните“ два натпревари помалку.
Арсенал во градската пресметка ги декласира „сините“ во второто полувреме. Првиот дел заврши со 1:0, со голот што го постигна Торсар во четвртата минута.
Во вториот дел се случи канонада кон глот на Челси. Вајт погоди во 52 минута, потоа Хаверц постигна два гола во 57. и 65.минута, а серијата ја заврши Вајт во 70.минута.
Спорт
Брејк на Макаби во Атина
Плеј-офот во кошаркарската Евролига започна со брејк на Макаби во ОАКА арената во Атина. Макаби го победи Панатинаикос 91:87.
Панатинаикос го контролираше натпреварот 32.минути, неколку пати зелените имаа предност од 12 поени, но не успеаја да го решат натпреварот.
Трагичар е Костас Слукас кој на 20 секунди до крајот продаде топка, а Џош Нибо од линијата за слободи го постави конечниот резултат. До тој момент Слукас одигра совршен натпревар (12 поени, 13 скокови, без загубена топка).
Најдобриот учинок во редовите на Макаби го имаше Бонзи Колсон, која забележа 18 поени со два скока, а го следеа Лоренцо Браун со 16 поени, четири скока и три асистенции, Вејд Болдвин со 15 поени со седум скока. Болдвин поради повреда не играше во последните осум минути.
Двоцифрен беше и Џош Ниебо со 12 поени и осум скока.
Кај Панатинаикос се истакна Матијас Лесор со 22 поени и шест скока, но и очајна реализација на слободните фрлања 4/11, а двоцифрени беа и Џериан Грант и Мариус Григонис со по 11 поени.
Вториот натпревар се игра за два дена исто така во Атина.