Спорт
Кејн тренира со Тотенхем – Пеп не сака да зборува за него!
Фудбалерот на Тотенхем, Хари Кејн тренираше со екипата и би можело да се најде во составот за утрешното дерби против шампионот Манчестер Сити во 1. коло од новата сезона во ПЛ. Иако летово главна тема кај „Спарси“ е можноста Кејн да се пресели во Сити, сепак тренерот на „петлите“ Нуно Еспирито Санто вели дека разговарал со Кејн на тренингот и „се е во ред“.
„Се подготвува. Имаме уште еден тренинг пред да одлучиме дали ќе игра против Сити“ рече тој.
Очекувањата беа дека капитенот на Тотенхем на тимот ќе му се приклучи на 2. август, на претсезонските тестирања, но наместо тоа стигна 5 дена подоцна што ги налути фановите на лондонскиот клуб.
Тие сметаат дека Кејн сака да направи притисок и да го напушти клубот, но фудбалерот демантираше.
Санто запрашан дали го убедувал Кејн утре да игра против „граѓаните“ вели:
„Немам проблеми да убедувам играчи да играат за Тотенхем. Ова е голем клуб и сите би требало да бидеме горди што сме тука“.
Во меѓувреме, на прес-конференција во Манчестер Сити, кормиларот на клубот Пеп Гвардиола одби да одговори дали постои интерес од клубот да биде доведен Хари Кејн. Минатата недела Шпанецот рече дека Сити сака да го ангажира англискиот репрезентативец.
„Одговорив на тоа прашање на претходната прес-конференција. Тој е играч на Тотенхем, нема да зборувам за него. Минатиот пат направив исклучок, обично не зборувам за трансфери“ изјави Гвардиола.
Мечот Тотенхем – Манчестер Сити се игра утре од 17.30 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.