Спорт
Керол: Многу пиев, депресијата ме уништи, па се разбудив разведен
Поранешниот голман на Манчестер Јунајтед, Рој Керол признава дека поминал низ тежок период додека бил дел од „црвените ѓаволи“, во периодот од 2001 до 2005 година.
„Бев во депресија, ги правев истите работи секој ден, па се најдов во „мала дупка“. Бев повреден и не одев на тренинг, па ми рекоа да земам 2 месеци слободни. Тогаш фатив рутина, станував во 10, почнував да пијам и пиев цел ден. Сопругата и децата доаѓаа, бев толку многу депресивен што не гледав ништо. Беше тоа грозно чувство“ рече Керол.
Тој за медиумите на Островот признава дека морал да се лекува затоа што ситуацијата била многу сериозна.
„Мојата сопруга знаеше дека сум во лоша состојба и затоа отидов на лекување. Јас не бев ни свесен колку сум лош во тие моменти. Не сакав да се лекувам, се спротивставува. Сепак отидов, но во себе си велев дека никогаш нема да се откажам од пиењето. Во клиника бев 6 дена, по тоа не пиев цела недела, а за тоа време новинарите беа постојано пред мојата куќа. По една недела престанаа да доаѓаат, а јас продолжив со пиењето. И така едно утро се разбудив разведен и морав да се иселам од семејниот дом“ вели Керол.
Потоа објаснува дека отишол кај сопругата да побара прошка, но безуспешно. Вели дека оттогаш не пие, точно 9 години и 11 месеци.
Освен за Јунајтед, Керол во кариерата бранеше и за Олимпијакос, Хал, Виган, Вест Хем и Дерби.
Голот на Северна Ирска го чуваше на 45 меча.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Елиминацијата на Арсенал го однесе Салцбург на клупскиот Мундијал во 2025
Фудбалерите на Салцбург се последните претставници на Европа на Светското клупско првенство, кое ќе се одржи летото 2025 година во Соединетите Американски Држави, соопшти Светската фудбалска федерација (ФИФА).
Шампионот на Австрија се пласираше на клупскиот Мундијал, благодарение на елиминацијата на Арсенал од Баерн во четвртфиналето на Лигата на шампионите.
Светското клупско првенство за прв пат ќе се одржи во нов формат, со 32 клуба, следната година во САД од 15 јуни до 13 јули.
Засега се познати 24 клубови учесници, а остануваат уште осум места. Познати се и имињата на сите 12 клубови кои ќе ја претставуваат Европа.
Покрај Салцбург тоа се Реал и Атлетико, Манчестер сити и Челзи, Баерн и Борусија Дортмунд, Пари Сен Жермен, Интер и Јувентус, Порто и Бенфика.
🚨 OFFICIAL: Arsenal are out of the Clubs’ World Cup after tonight.
🇦🇹 RB Salzburg access to the World Cup.
🏴 Manchester City, Chelsea.
🇪🇸 Real Madrid, Atlético Madrid.
🇩🇪 Bayern, Borussia Dortmund.
🇫🇷 Paris Saint-Germain.
🇮🇹 Inter, Juventus.
🇵🇹 Benfica, Porto.
🇦🇹 Salzburg. pic.twitter.com/I8ljDZCQTN— Fabrizio Romano (@FabrizioRomano) April 17, 2024
Азија ќе ја претставуваат Урава, Ал Хилал и Улсан.
Од Јужна Америка местото засега го обезбедија бразилските клубови Палмеирас, Фламенго и Флуминенсе. Од Северна и Централна Америка на првенството ќе играат мексиканските клубови Монтереј и Леон и американскиот Сиетл.
Египетскиот Ал Ахли и мароканскиот Видад се претставници на Африка. Океанија во Америка ќе ја претставува новозеландскиот Окленд Сити.
Останатите осум места ќе ги заземат три клуба од Јужна Америка, два од Африка и по еден од Азија, Северна и Централна Америка и Соединетите Американски Држави.
Спорт
(Видео) Сиксерс преку Мајами до седмоот место на Истокот, Чикаго на летен одмор ја испрати Атланта
Филаделфија го освои седмото место во Источната конференција во НБА лигата, а са осмото ќе играат Чикаго Булас и Мајами Хит. Изминатата ноќ, дуелот на Филаделфија и Мајами заврши 105:104, додека Чикаго Булс ги збришаа Атланта Хокс со 131:116.
Филадлефија, во плеј-ин мечот против Мајами, на домашен терен, успеа да се врати од негативата од 14 поени и во пенал завршницата да ги совлада Хит. Ветеранот Николас Батум го иницираше пресвртот. 39-годишникот одигра како во најдобрите денови од кариерата, со 20 поени беше втор најдобар стрелец на Филаделфија. Џоел Ембид ги предводеше победниците со 23 поени и 15 скокови.
Кај Мајами се истакна Тајлер Хиро со 25 поени и девет асистенции.
Филаделфија во првото коло, во плеј-офот ќе игра против Њујорк Никс.
Борбата меѓу деветтиот и десеттиот тим на Истокот не донесе никакв а неизвесност. Чикаго лесно славеше над Атланта 131:116.
Блескаше кај Чикаго Коби Вајт со 42 поени, девет скока и шест асистенции, Никола Вучевиќ додаде 24, со 12 скока и две асистенции и ДеМар Дерозан забележа 22 поени, девет асистенции и шест скока.
Атланта имаше четворица играчи со 20+ поени, но тоа не беше доволно да го избегне поразот.
Дижонте Мареј имаше учинок од 30 поени, седум скока и шест асистенции, Клинт Капела забележа 22 поени и 17 скока, Треј Јанг 22 поени и 10 асистенции, а Богдан Богдановиќ 21 поен, пет скока и четири асистенции.
Во сабота еден час по полноќ Мајми и Чикаго ќе решат кој ќе им се спротивстави на Бостон Селтикс во првата плеј-оф рунда.
Спорт
Анчелоти: Само со бункер можевме да го елиминираме Сити
Реал Мадрид го исфрли Манчестер сити од Лигата на шампионите. Реал, актуелниот европски првак го победи по изведувањето пенали. Голманот Луни во пенал серијата ги одбрани ударите на Силва и Ковачиќ.
„Само со ваква игра можевме да го елиминираме Сити“, изјави тренерот на Реал, Карло Анчелоти, чиј тим на „Етихад“ играше бункер и ретко се префрлаше на противничката половина.
„Почнавме добро, поведовме, а потоа почнавме да се мачиме, да се бориме… Стоевме премногу ниско, а Сити имаше сè поголема контрола. За среќа, одлично се браневме. Во пенал рулетот бевме уверени дека ќе поминевме, играчите ми рекоа дека ќе победат“, додаде Анчелоти.
Италијанскиот тренер откри и што му кажал Пеп Гвардиола од Сити по престрелката.
„Тој ми честиташе и ни посака среќа. Беше џентлмен како и секогаш и овој клуб е џентлменски“.