Спорт
Кин не жали што го „сотре“ таткото на Ерлинг Халанд
Поранешниот капитен на Манчестер јунајтед, Рој Кин вели дека воопшто не жали за бруталниот старт со кој го повреди Алф-Инге Халанд, поранешниот фудбалер на Манчестер сити и татко на новата норвешка фудбалска мегаѕвезда Ерлинг Халанд.
Во разговор со поранешниот фудбалер на Сити, Мајка Ричарс, Ирецот призна дека одел да им нанесе „болка на ривалите“, но дека никогаш нема да се извини бидејќи и другите фудбалери го посакувале истото за него, иако додаде дека никогаш не посакувал намерна повреда.
Инцидентот со Алф-Инге Халанд се случи во 2001 година, кога Кин доби директен црвен картон за бруталниот старт, добивајќи суспензија од осум меча.
„Никогаш не сум зажалил за нешто што сум го направил на фудбалскиот терен, никогаш. Сум добивал црвени картони и сум го разочарувал тимот, но за мене тоа беше битка со луѓе. Секогаш бев во битката. Не, секако, не сакав да ги повредам. Дали сакав да им нанесам болка? Да, секако! Никогаш не се извинувам за тоа. Луѓето сакаа и мене да ме боли“, вели Кин.
Постариот Халанд се повлече поради повредата во 2003 година и наводно сакаше да го тужи Кин за неговото признание во автобиографијата (иако мора да се посочи дека повредата која предизвика пензија е левата нога, а не десната која му ја повреди Кин).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Абердин ќе бара 8.000.000 фунти за Миовски
Македонскиот репрезентативец Бојан Миовски, во летниот преоден рок ќе го напушти Абердин. Шкотските медиуми пишуваат дека интерес за Македонецот покажале великаните не само на шкотскиот туку и на европскиот фудбал, Ренџерс и Селтик. Според овие извори поголем интерес постои кај „полицајците“.
Глазгов Ренџерс подолг период внимателно го следи Миовски, кој ја игра најдобрата сезона во кариерата. Во сите натпреварувања, Миовски одигра 48 натпревари, постигна 24 гола.
Цената која треба да ја издвојат заинтересираните клубови изнесува 8.000.000 фунти.
Покрај Ренџерс и Селтик, интерес за Миовски наводно има и кај Феенорд. Актуелниот освојувач на Купот на Холандија, бара замена во нападот за Мексиканецот Хименес, кој извесно е дека ќе го напушти клубот.
Спорт
Наз Рид најдобра резерва во НБА лигата
Центарот на Минесота Тимбервулвс, Наз Рид, ја доби нагрдата за најдобар шест играч во НБА лигата.
Рид, од експертите добил 352 гласа, десет повеќе од бекот на Сакраменто Кингс, Малик Монк.
Наз Рид, во регуларниот дел од сезоната имаше просек од 13,5 поени, 5,2 скока и 1,3 асистенции во 81 одигран натпревар. На 67 натпревари тој влегуваше од клупата, како замена за Руди Гобер или Карл Ентони Таунс.
Тимбервулфс на крајот го освоија третото место во Западната конференција со скор од 56 победи и 26 порази.
Во четврток ќе биде доделена наградата „Клач играч на годината“, односно играч кој бил најдобар во клучните моменти, тука финалисти се Стеф Кари, Демар Дерозан и Шеј Гилџис-Александер.
Наградата за тренер на годината се доделува во недела, а меѓу финалистите се Мајк Дагно од Оклахома, Крис Финч од Минесота и Џамал Мозли од Орландо.
Спорт
ФА го казни Компани
Менаџерот на Барнли, Винсент Компани е казнет од челниците на Фудбалската асоцијација на Англија (ФА).
Причината за казната е неговото однесување на натпреварот од Премиер лигата со Челзи на „Стемфорд Бриџ“.
Компани неколку пати го нарекол судијата Дарен Ингланд „е.ен измамник“, откако претходно досуди пенал за Челзи во 40. минута.
Поради непримерното однесување Компани доби црвен картон.
Компани ќе треба да плати 10.000 фунти и нема да може да го води тимот во два натпревари.