Спорт
Кинезите не се запознаени со ситуацијата со Пенг, тоа не е дипломатско прашање
Министерството за надворешни работи на Кина во петокот објави дека тие не се запознаени со контроверзиите во врска со тенисерката Пенг Шуаи, која наводно исчезна по обвинувањето висок функционер на Комунистичката партија за сексуален напад.
Портпаролот на Министерството, Жао Лиџијан, изјави дека тоа не е дипломатско прашање и дека лично не е запознаен со ситуацијата.
Пенг, 35-годишната поранешна тенисерка број 1 во двојки со титули од Вимблдон во 2013 и „Ролан Гарос“ во 2014, се јави со писмо до претседателот на ВТА-турнејата, Стив Сајмон, но тој се сомнева во веродостојноста и најави дека женската турнеја може да ја бојкотира Кина доколку не се пронајде Пенг.
„Ние, дефинитивно, сме подготвени да го повлечеме нашиот бизнис од Кина и да се соочиме со сите компликации што го носи тоа. Ова е поголемо од бизнисот, жените мора да бидат почитувани, а не замолчувани“, изјави Сајмон за Си-ен-ен иако потврди дека Кинеската тениска федерација им потврдила дека Пенг е во Пекинг и дека ништо лошо не ѝ случило.
Во исто време, легендарната Серена Вилијамс на социјалните мрежи ја поддржа кампањата за Пенг.
„Шокирана сум од вестите за Пенг Шуаи. Се надевам дека е безбедна и ќе биде пронајдена што е можно побргу. Не смееме да останеме тивки. Праќам љубов до неа и до нејзиното семејство во ова тешко време“, напиша Вилијамс.
I am devastated and shocked to hear about the news of my peer, Peng Shuai. I hope she is safe and found as soon as possible. This must be investigated and we must not stay silent. Sending love to her and her family during this incredibly difficult time. #whereispengshuai pic.twitter.com/GZG3zLTSC6
— Serena Williams (@serenawilliams) November 18, 2021
Се јави исчезнатата кинеска тенисерка Пенг: Се одморам, не објавувајте лаги
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.