Мирни тактички 45 минути одиграа Швајцарија и Велс во вториот меч од Европското првенство. Во азербејџанската престолнина по првото полувреме се уште е активен почетниот резултат.

Иако Швајцарците се поактивни на теренот, топката подолго време е во нивните нозе, сепак не успеваат да го пронајдат патот до мрежата на голманот Вард.

Напаѓачот Сеферовиќ е најактивен во нападот, во 26 минута имаше убав обид да ја затресе противничката мрежа, но неуспешно. Мболо во 45 минута му спушти една топка на Сеферовиќ на десетина метри, но топката заврши високо над противничкиот гол.

Швајцарија изведе дури 7 корнери во првиот дел, но Велшаните се сигурни во воздушните дуели.

Иако Герет Бејл и другарите имаа малку можности во шеснаесетникот на Сомер, сепак најдобрата прилика за водство ја пропушти вешкиот репрезентативец Мур. Во 15 минута од мечот одлично биеше со глава под пречката, но голманот Сомер со крајни напори ја исфрли топката во корнер.

Швајцарија на 4 меча на големите натпреварувања со островски репрезентација од Велика Британија има 3 порази и едно реми, со Англија 1-1.

Фудбалски навивач од Англија е уникатниот колекционер за кој пишува Европа – набавил по едно шише пиво од сите 24 земји учеснички на Европското првенство кое започна вчера, а кое ќе трае до 11 јули.

„1 турнир, 24 земји, 24 пива. Ајде да го направиме тоа!“ – напиша фанот облечен во дрес на „Гордиот Албион“.

Тој на Твитер ги објави пивата, но сподели и фотографија од имињата на сите пива со знаме од земјата.

1 tournament. 24 countries. 24 beers. Let's do it! pic.twitter.com/65VCCETHvI

— Gys (@ballstothis) June 11, 2021

Општина Аеродром организира пренос во живо од Европското првенство во фудбал во паркот Нирнберг во Ново Лисиче и можност за групно следење на натпреварите од ЕУРО 2020.

Првиот пренос ќе биде утре, 13 јуни (недела), од 17 часот, кога македонската репрезентација ќе игра против Австрија во Букурешт.

Натпреварите ќе бидат пренесувани на голем екран, а еден час пред настапите на нашите репрезентативци ќе има организирана програма со водител и гости.

Инаку, преносот на натпреварите ќе се организира секоја вечер од сите натпревари, односно сè додека трае учеството на нашата репрезентација.

Овој настан се организира во согласност со сите протоколи и се молат присутните да ги почитуваат пропишаните мерки.