Спорт
Кирјос: Сакав да си го одземам животот, консумирав дрога и алкохол
Ник Кирјос, контроверзниот австралиски тенисер, на „Инстаграм“ откри дека пред три години размислувал да се самоубие и дека консумирал алкохол и дрога.
Тој објавил фотографија од пред три години на Австралија опен, на која на подлактицата се видливи знаците на само повредување.
„Ова сум јас пред три години на Австралија опен. Најголем дел од вас претпоставува дека уживам во животот. Тоа беше еден од најмрачните периоди во мојот живот. На мојата десна рака можете да ги видите знаци на само повредување. Имав само убиствени мисли, буквално се борев да станам од креветот. Бев осамен, депресивен, негативен, консумирав алкохол и дрога, го отфрлиф семејството, ги отфрлив пријателите“, напишал на „Инстаграм“.
Кирјос напишал дека немал доверба во никого.
„Чувствував дека не можам да разговарам или да му верувавм на некого. Ова беше резултата на затворањето во себе, наместо да се потпрам на моите сакани. Знам дека секојдневниот живот изгледа исцрпувачки. Разбирам дека може да се чувствувате лошо или преплашено, да ви биде тешко да се отворите пред други луѓе. Веднаш ќе ви кажам, во ред е, не сте сами. Го минав периодот кога изгледаше дека позитивните вибрации никогаш нема да станат реалност. Ве молам немојте да се чувствувате дека сте само, ако чувствувате дека не можете со никого да разговарате, јавете се, јас сум тука. Горд сум што можам да кажам дека ги сменив работите и дека сега имам поинакви погледи кон светот. Животот е убав“, заклучил Кирјос.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.