Спорт
Клиперс победија во Оукленд, Хјустон ја елиминираа Јута (Видео)
Кошаркарите на ЛА Клиперс направија уште едно големо изненадување, ги победија Голден стејт Вориорс 129:121 и ја намалија предноста на шампионите, на 3-2 во победи, во првата плеј-оф рунда, во Западната конференција, во НБА лигата.
Клиперси, во вториот меч од серијата, одигран на теренот на Голден стејт се вратија по негативата од 31 поен, а во петтиот меч преживеаја и покрај брилијантната игра на Левин Дурент.
Клиперси во последната четвртина испуштија предност од 15 поени, Вориорс во финишот имаа 118:117, но мечот го реши Лу Вилијамс, кој погоди за три поени под фаул и беше прецизен два пати од тешки позиции.
Вилијамс ги предводеше Клиперси со 33 поени, 4 скока и 10 асистенции, Монтрезл Херел постигна 24, Данило Галинари 26 поени, а Патрик Беверли забележа 17 поени и 14 скока.
Кевин Дурент постигна 45, негов личен рекорд во плеј-офот, Стеф Кари постигна 24, а Клеј Томпсон 22 поени.
Шестиот меч се игра во петок навечер во Лос Анџелес.
Хјустон Рокетс изборија пласман во конференциското полу-финале. Во петиот меч тие ги победија Јта Џез 100:93. Рокетс славеа и покрај скромната партија на Џејмс Харден кој мечот го започна со шут 1/11. Еднакво лош на спротивната страна беше Донован Мичел, кој не погоди ниту една тројка од деветте обиди, а погоди само четири од 22 шута од поле.
Харден на крајот беше најефикасен кај Хјустон со 26 поени (шут 10/26), Клинт Капела забележа 16 поени, 10 скока и 3 блокади, а по 15 поени постигнаа Крис Пол и Ерик Гордон.
Рики Рубио ги предводеше „џезерите“ со 17 поени и 11 асистенции, Ројс О’Нил постигна поен повеќе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тројцата исклучени во дербито ги дознаа казните
Дисциплинскиот судија во Серија А експресно ги одреди казните за играчите кои синоќа беа исклучени на натпреварот помеѓу Милан и Интер во 33. коло од Серија А. Интер славеше со 2.1 и ја обезбеди титулата на пет кола до крајот на сезоната.
Капитенот на Милан, Давиде Калабрија, доби црвен картон во 97.минута, откако го удри без топка Давиде Фратези. Тој е суспендиран на два натпревари.
Во петтата минута од судиското надополнување дојде до тепачка помеѓу играчот на Милан, Тео Ернандез и играчот на Интер, Дензел Дамфрис, по што и двајцата добија црвени картони. Тие ќе пропуштат еден натпревар.
Дисциплинскиот судија им изрече и парични казни од по 10.000 евра.
Спорт
Покетино: Лукаку е играч на Челси
Ромелу Лукаку, во целост ја оживеа кариерата во Рома. Клубот има можност да го откупи неговиот договор, но прашање е дали има пари да вложи во трансферот на Белгиецот.
Лукаку не успеа да се наметне во Челси, самиот побара да замине, а неколку пати изјави дека нема намера да се враќа во Лондон. Минатата сезона ја мина во Интер, а оваа е во Рома.
За статусот на курпулентниот Белгиец проговори и тренерот на сините, Маурисио Покетино.
„Тој е играч на Челзи, па ќе обрнеме внимание на него. Ваков став во овој момент има клубот, но се уште немаме донесено никаква одлука“, изјави Покетино.
Лукаку оваа сезона постигна 18 гола на 41 натпревар за Рома во сите натпреварувања.
Спорт
Инзаги по освојувањето на титулата: Неверојатно чувство, момците се исклучителни
Со победата од 2:1 над градскиот ривал Милан, фудбалерите на Интер синоќа ја освоија 20. титула во италијанската Серија А и ја сошија втората ѕвезда над грбот на својот клуб.
Интер ја круниса доминантна сезона во Италија и на пет кола до крајот има 17 бода повеќе од Милан.
„Нероаѕурите“ беа убедливи во текот на целата сезона, на 33 натпревари претрпеа само еден пораз, и тоа на домашен терен од Сасуоло.
Тренерот Симоне Инзаги конечно стигна до Скудетото во неговата трета сезона во Интер.
Едвај ја задржа работата на крајот од првата сезона, кога во финишот на сезоната 2021/2022. му ја предаде титулата на Милан, но минатата сезона го одведе Интер до финалето на Лигата на шампионите, а сега ја освои Серија А.
„Неверојатно е чувството, постигнавме нешто извонредно. Има многу протагонисти во овој успех. Пред се, играчите, исто така и директорите, а потоа и Стивен Жанг, за се што ни овозможи на ова патување. Моите мисли одат и кај моето семејство, сопругата и децата, родителите… Мојата мана е што понекогаш не можам да ја напуштам работата и да ја носам дома, но моето семејство е основата на сè“, рече Инзаги.