Спорт
Клиперс е главен во ЛА, Вориорс славеше против Хјустон (видео)
Божикната програма во НБА-лигата донесе неколку интересни натпревари, Клиперс го доби дербито против Лејкерс, а изненадувачки порази забележаа Хјустон и Денвер.
Клиперс го доби и вториот сезонски дуел со Лејкерс. Во „Стејплс центарот“ екипата на Док Риверс забележа победа 111:106. Лејкерс ја имаше предноста во најголемиот дел од натпреварот, меѓутоа лошо ги одигра последните минути, му дозволи на противникот да надомести минус од седум поени и на крајот да победи.
Кавај Ленард го предводеше Клиперс со 35 поени, 12 скока и 5 асистенции, Монтрезл Херел забележа 18, а Пол Џорџ 17 поени.
Кај Лејкерс, Леброн Џемјс беше на скок до трипл-дабл (23 поени, девет скока, 10 асистенции), Кајл Кузма забележа 25, а Ентон Дејвис 24 поени.
Големо изненадување направи Голден стејд Вориорс со победата над Хјустон Рокетс 116:104. Вориорс против фаворитите ја забележа осмата победа во сезоната. Вориорс успеа да го запре првиот стрелец во лигата Џејмс Харден, кој за негови стандарди постигна скромни 24 поени. Хјустон го предводеше Расел Вестбрук со 30 поени и 12 скока.
Кај Вориорс се истакна Демион Ли со 22 поени и 15 скока, односно Дианџело Расел и Дрејмонд Грин со по 20 поени.
Шокантен пораз во „Пепси центарот“ во Денвер доживеа Нагетс од Њу Орлеанс Пеликанс. Пеликаните ја прекинаа серијата порази благодарение на Брендон Инграм, кој постигна 31 поен. Кај Денвер се истакна Никола Јокиќ со 23 поени и 10 скока.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.