Спорт
Клоп: Ако го гледаме само резултатот на Челси кај Јунајтед, ќе погрешиме
Фудбалерите на Ливерпул и Челси вечерва на „Бешикташ парк“ стадионот во Истанбул ќе го одиграат Сиперкуп мечот на УЕФА. Вчера двата тима имаа тренинг на стадионот.
Тренерот на Ливерпул, Јирген Клоп изјави дека не се согласува со то дека Ливерпул е фаворит вечерва само затоа што тие победиле, а Челси загубил во првото коло од Премиерлигата.
„Искрено, не знаев дека сите очекуваат од нас да победиме. Ние не се замараме премногу со тоа што луѓето мислат. Го познаваме и респектираме челси, го видовме мечот против Манчестер Јунајтед и кога би суделе само врз основа на резултатот, многу би згрешиле затоа што Челси одигра многу добар меч. Имаат нов тренер, многу нови играчи и ова им е прва прилика да освојат трофеј“ – рече Клоп.
Германскиот стратег тврди дека еден меч не може да има пресудна улога за останатите мечеви кои следат.
„Не знам колкаво е влијанието на еден меч на сите останати во сезоната, но победувањето помага, секогаш има позитивно влијание. Освојувањето титула е она што од нас го очекуваат навивачите, Управата. Но овој меч нема никаква врска со нашиот вовед во Премиерлигата, победата против Норич е едно, а ова сосема друго“ – истакна Клоп.
И дефанзивецот Вирџил ван Дајк смета дека ова е важен дуел за нив.
„Подготвени сме и одвај го чекаме полетокот, сакаме да го освоиме тој трофеј и ќе дадеме се од себе на крајот од мечот да го подигнеме“ – смета дефанзивецот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.