Спорт
Клоп ги провоцира Јунајтед: Толку квалитетни играчи, а толку дефанзивна игра
Менаџерот на Ливерпул, Јирген Клоп ги предупреди Манчестер јунајтед, дека „црвените“ на „Енфилд“ во недела ќе бидат сосема поинаков тим од тој кој одигра 1:1 на „Олд Трафорд“ на стартот на сезоната.
Јунајтед се единствениот тим кој успеа да „откине“ поени на Ливерпул во Премиер лигата оваа сезона и тоа во меч во кој Ливерпул израмни во финишот на мечот. Оле Гунар Солскјер изјави дека е горд на тој меч и на одбраната на неговиот тим, но Клоп реши да ги почне „менталните игри“, велејќи дека е „чудно“ да се види тим со квалитети како на Јунајтед да играат толку дефанзивно.
„Чудно е кога играш со висококвалитетен тим, каков што Јунајтед уште е, и тие играат на тој начин. Не знам дали сум кажал дека Јунајтед секогаш се бранат, но најверојатно е така, бидејќи тоа е вистината. Истото беше со Тотенхем минатата недела. Тие не играат само со контранапади, но тоа е главното оружје. По 70 минути имавме 80 отсто посед со Тотенхем и тоа не е нормално. Дали е тоа критика? Како сакаат нека го протолкуваат“, вели Клоп.
Тој знае дека мечот со Манчестер јунајтед е нешто посебно.
„Сите знаеме колку е важен овој меч на нашите фанови, исто како против Евертон. Имаме природни непријатели од историјата на овој клуб, но сега пишуваме нова историја“, додава Клоп.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.