Спорт
Клоп: Лампард мора уште многу да научи
Менаџерот на Ливерпул, Јирген Клоп денеска рече дека неговиот колегата од клупата на Челси, Френк Лампард мора уште многу да учи откако тренерот на „сините“ истакна дека „црвените“ се арогантни по освојувањето на титулата во Премиерлигата.
По завчерашниот меч меѓу овие два клуба кој му припадна на шампионот со 5-3, Лампард влезе во расправија со помошниот тренер на Ливерпул, паднаа и пцовки. Тогаш Лампард рече дека „ако ја освоиле ПЛ, не треба да се арогантни“.
Тоа не му се допадна на Клоп.
„Не можеш такво нешто да ми кажеш мене и на луѓето на мојата клупа затоа што ние не сме арогантни. Френк беше многу натпреварувачки настроен и јас тоа многу го почитувам. Мислам дека во такви ситуации можеш да кажеш речиси се што ќе посакаш. Но по мечот, тоа завршува. Она што мора да го научи е да заврши со тоа по крајот на мечот, но тој тоа не го направи“ рече Клоп.
Клоп потенцира дека не е во ред да се зборува со таков речник по завршување на мечот.
„Френк мора тоа да го научи, а има многу време да научи затоа што е млад тренер. Не сме арогантни, ние сме спротивно од тоа“ – вели Клоп.
Денеска Лампард се извини за своето однесување, но не и за страстите кои ги покажа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Абердин ќе бара 8.000.000 фунти за Миовски
Македонскиот репрезентативец Бојан Миовски, во летниот преоден рок ќе го напушти Абердин. Шкотските медиуми пишуваат дека интерес за Македонецот покажале великаните не само на шкотскиот туку и на европскиот фудбал, Ренџерс и Селтик. Според овие извори поголем интерес постои кај „полицајците“.
Глазгов Ренџерс подолг период внимателно го следи Миовски, кој ја игра најдобрата сезона во кариерата. Во сите натпреварувања, Миовски одигра 48 натпревари, постигна 24 гола.
Цената која треба да ја издвојат заинтересираните клубови изнесува 8.000.000 фунти.
Покрај Ренџерс и Селтик, интерес за Миовски наводно има и кај Феенорд. Актуелниот освојувач на Купот на Холандија, бара замена во нападот за Мексиканецот Хименес, кој извесно е дека ќе го напушти клубот.
Спорт
Наз Рид најдобра резерва во НБА лигата
Центарот на Минесота Тимбервулвс, Наз Рид, ја доби нагрдата за најдобар шест играч во НБА лигата.
Рид, од експертите добил 352 гласа, десет повеќе од бекот на Сакраменто Кингс, Малик Монк.
Наз Рид, во регуларниот дел од сезоната имаше просек од 13,5 поени, 5,2 скока и 1,3 асистенции во 81 одигран натпревар. На 67 натпревари тој влегуваше од клупата, како замена за Руди Гобер или Карл Ентони Таунс.
Тимбервулфс на крајот го освоија третото место во Западната конференција со скор од 56 победи и 26 порази.
Во четврток ќе биде доделена наградата „Клач играч на годината“, односно играч кој бил најдобар во клучните моменти, тука финалисти се Стеф Кари, Демар Дерозан и Шеј Гилџис-Александер.
Наградата за тренер на годината се доделува во недела, а меѓу финалистите се Мајк Дагно од Оклахома, Крис Финч од Минесота и Џамал Мозли од Орландо.
Спорт
ФА го казни Компани
Менаџерот на Барнли, Винсент Компани е казнет од челниците на Фудбалската асоцијација на Англија (ФА).
Причината за казната е неговото однесување на натпреварот од Премиер лигата со Челзи на „Стемфорд Бриџ“.
Компани неколку пати го нарекол судијата Дарен Ингланд „е.ен измамник“, откако претходно досуди пенал за Челзи во 40. минута.
Поради непримерното однесување Компани доби црвен картон.
Компани ќе треба да плати 10.000 фунти и нема да може да го води тимот во два натпревари.