Спорт
Клоп: Сити се најдобри во светот, не чувстуваме никаков притисок
Менаџерот на европскиот првак Ливерпул, Јирген Клоп, рекол дека неговиот тим не чувствува никаков притисок пред почетокот на новата сезона во Лигата на шампионите. Одбраната на титулата Ливерпул ќе ја започнат вечерва на „Сан Паоло“ во неапол, против екипата на Наполи.
„Не можеме ние да бидеме најдобриот тим во Европа, кога Манчестер сити се најдобри во светот. Тоа е иста планета“, низ шега рекол Германецот.
„Не чувствуваме притисок. Не мислам дека останатите ќе имаат посебен мотив кога ќе играат против нас. Сепак никогаш претходно не сум ја освоил Лигата на шампионите, така што не знам што можам да очекувам. Само се надевам дека сме подготвени“.
Ливерпул има беспрекорен старт во Премиер лигата, по пет кола тие се единствени со исто толку победи. Дуелот во Неапол ќе започне во 21 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Атлетико и ништо друго – Коке ќе потпише нов договор
Хорхе Ресуресион Меродио, во светот на фудбалот познат како Коке, ќе потпише нов договор со Атлетико Мадрид. Коке е продукт на фудбалската акедемија на „јорганџиите“, а за првиот тим настапува од 2011 година. Ова е само уште еден доказ за љубовта на 32-годишникот кон клубот, што во денешниот фудбал е вистинска реткост.
Атлетико и Коке ќе ја искористат репрезентативната пауза за да потпишат нов договор. Допарва ќе решат дали Коке ќе потпише на една или две сезони. Желбата на фудбалерот е да добие нов двегодишен договор.
Коке е апсолутен рекордер според бројот на одигран натпревари за Атлетико. Досега во кариерата дресот на „јорганџиите“ го носел на 625 натпревари. За Шпанија има одиграно 70 натпревари.
Спорт
Ненадејно почина момчето на Арина Сабаленка
Константин Колцов, поранешен белоруски хокеар, ненадејно почина на 43-годишна возраст. Колцов поранешен играч на НХЛ, а последните две и пол години беше во врска со Арина Сабаленко. Колцов бил пронајден мртов во Мајами. Тој ја придружувал својата девојка на американската турнеја.
„Со длабоко жалење ве известуваме дека почина тренерот на Салават Јулаев, Константин Колцов. Тој беше силна и весела личност, сакана и почитувана од играчите, соиграчите и навивачите“, соопшти Салават Јулаев, клубот во кој работеше како тренер.
Сабаленка е втората тенисерка во светот. Колцов ја бодреше од трибините во јануари кога таа ја одбрани титулата на Австралија опен.
Сабаленка последниот меч го одигра пред шест дена во Индијан Велс, кога беше поразена од Американката Ема Наваро. Оваа недела таа треба да настапи на Мастерсот во Мајами, но сигурно е дека ќе се повлече од турнирот.
Спорт
(Видео) Лејкерси ја декласираа Атланта
Лос Анџелес Лејкерси изминатата ноќ ја декласираа Атланта со 136:105. „Езерциите“ до победата ги предводеа Леброн Џејмс и ДиАнџело Расел кои заедно имаа 52 поени, 20 асистенции и 11 скокови.
Лејкерси од стартот ја презедоа контролата, играа добро во одбраната, водеа на полувреме со 14 поени, а во вториот дел го декласираа противникот.
Во редовите на Лејкерси, ДеАнџело Расел постигна 27 поени со четири скока и десет асистенции, Леброн Џејмс додаде 25 со седум скока и десет асистенции.
Ентони Дејвис мечот го заврши со 22 поени со 15 скока и шест асистенции, додека Руи Хачимура додаде 17 поени.
Кај Хокс, кои играа без најдобриот играч Тре Јанг, Џејлен Џонсон беше најефикасен со 25 поени со девет скока и четири асистенции. Српскиот репрезентативец Богдан Богдановиќ постигна 17 поени, Дежонте Мареј додаде 13, а Вит Крејчи 11 поени, исто колку и Ониека Оконгву.
Резултати:
Индијана – Кливленд 103:108
/Сиакам 19 – Ален и Леверт по 23/
Бостон – Детроит 119:94
/Браун 31 – Ајви 21/
Филаделфија – Мајами 98:91
/Макси 30 – Адебајо и Розир по 20/
Чикаго – Портланд 110:107
/Дерозан 28 – Симонс 30/
Јута – Минесота 104:114
/Секстон 24 – Едвардс 32/
Голден Стејт – Њујорк 112:119
/Кари 27 – Бренсон 34/
Сакраменто – Мемфис 121:111 п
/Монк 28, Џексон 25/