Садио Мане е на пресвртница во кариерата, бидејќи Баерн Минхен цврсто реши да го доведе, а од друга страна, Ливерпул не сака да ја надмине границата околу финансиските приходи на Сенегалецот.

Германските медиуми најавуваат дека преселбата во Баерн би била логичен чекор за 30-годишниот африкански фудбалер кој летото 2016 година од Саутемптон се пресели во Ливерпул.

Мане одигра извонредно во сезоната 2015/2016, втора во дресот на „светците“, а амбициозниот Манчестер Јунајтед сакаше да го доведе, но крилниот напаѓач сепак се реши за Ливерпул.

„Бев многу блиску до Јунајтед. Договорот веќе го имав подготвен и условите постигнати. Се беше подготвено, но наместо тоа, пресеков и решив да се преселам во Ливерпул. Бев убеден во проектот на Клоп“, изјави Мане во интервју за британски „Телеграф“.

Напаѓачот на Ливерпул, Диого Жота ги покажа копачките кои ќе ги носи во претстојното финале во Лигата на шампионите против Реал Мадрид. Португалскиот интернационалец објави фотографии од своите нови копачки, кои се специјално изработени за оваа прилика, бели со сини акценти, а на нив е означени „№20“ и португалското знаме. Тука е и пораката „Ништо не е невозможно“.

Жота најверојатно нема да биде стартер за Ливерпул. Според најавите, Јирген Клоп во нападот ќе стартува со Садио Мане, Мохамед Салах и со Луис Дијаз.

Special delivery for the big final 📦Let’s go @adidasfootball #impossibleisnothing pic.twitter.com/Zy96GsGZzR

— Diogo Jota (@DiogoJota18) May 26, 2022

Емирот на Катар лично ќе има преговори со француската фудбалска легенда Зинедин Зидан и ќе се обиде да го убеди да го преземе кормилото на Пари Сен Жермен. Тоа истото претходно го направил и со Килијан Мбапе, на кого му објаснил дека францускиот првак ќе доминира во светот на фудбалот во наредната деценија.

Емирот Тамим бин Хамад Ал Тани во наредните неколку дена ќе го покани Зинедин Зидан во својата резиденција во Катар и ќе му ги образложи плановите на клубот.

Финансискиот дел од приказната се чини дека не е проблем, со оглед на моќта што ја има ПСЖ. Една од главните причини е што Зидан израсна во Марсеј и го носеше дресот на овој клуб во текот на кариерата, а тоа е „смртниот непријател“ на ПСЖ.