Спорт
Кој чека-ќе дочека! Финска слави прв пласман на големо натпреварување во историјата (видео)
Фудбалската репрезентација на Финска првпат од своето основање во 1907 година се пласираше на едно големо натпреварување, откако со 3:0 победата над Лихтенштајн го обезбедија второто место во групата Ј зад недостижната Италија, но пред репрезентации како Грција и Босна и Херцеговина.
За пласман на Финците им беше потребно барем реми против „моќниот“ Лихтенштајн, но на крајот стигнаа до победа. Јасе Туоминен во 21. минута стрелаше за 1:0, пред нивниот најдобар стрелец, Тему Пуки во 63. минута со гол од пенал да го потврди триумфот и во 73. минута да зголеми на 3:0.
Иако во својата историја имаа големи фудбалски имиња како Јари Литманен, Сами Хипија и Микаел Форсел, Финците никогаш не беа ниту блиску до големите натпреварувања и сега се последната нордиска земја со ваков пласман. Добар пример за македонската репрезентација, која уште го чека својот прв пласман на ЕП или СП.
Нивните нордиски соседи, Норвешка, пак со 4:0 рутински ги совладаа Фарските Острови за да ги заддржат шансите за пласман на Евро 2020, за што им е потребно прво вечерва дуелот Романија-Шведска да заврши со реми.
ЕВРО 2020, КВАЛИФИКАЦИИ
ГРУПА Ф
Норвешка – Фарски Острови 4:0
Романија – Шведска 21.00 ч.
Шпанија – Малта 21.00 ч.
Табела: 1.Шпанија 20, 2.Шведска 15, 3.Романија 14, 4.Норвешка 14, 5.Фарски Острови 3, 6.Малта 3
ГРУПА Ј
Финска – Лихтенштајн 3:0
Ерменија – Грција 0:1
Босна и Херцеговина – Италија 21.00 ч.
Табела: 1.Италија 24, 2.Финска 18, 3.Грција 11, 4.Ерменија 10, 5.БиХ 10, 6.Лихтенштајн 2
Finland fans going nuts before the Liechtenstein game. They should qualify for their first ever major tournament tonight! pic.twitter.com/h0n9iLEQgg
— Oliver Moody (@olimoody) November 15, 2019
In football there are few games bigger than Finland – Lichstenstein. ???? pic.twitter.com/SCosygXqk2
— Lari Numminen (@larinum) November 15, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Куртоа се враќа до крајот на сезоната
Tренерот на Реал, Карло Анчелоти денеска изјави дека голманот Тибо Куртоа треба да се врати во тренажен процес за десет дена, пренесуваат шпанските медиуми.
На 20 март Куртоа беше опериран поради скинат менискус на десното колено. Шпанските медиуми потсетуваат дека белгискиот голман требаше да паузира до крајот на сезоната, но Анчелоти тврди дека Куртоа успешно се опоравува.
„Куртоа добро закрепнува, би можел да биде во тимот против Кадиз“, изјави Анчелоти.
Шпанските медиуми пренесуваат дека Куртоа сигурно ќе го пропушти натпреварот против Реал Сосиедад во Ла Лига, како и првиот полуфинален натпревар од Лигата на шампионите против Баерн.
Натпреварот од 34. коло во шпанското првенство помеѓу Реал и Кадиз ќе се одигра на четврти мај во Мадрид.
Спорт
Евролигата нема да го толерира однесувањето на Атаман
Кошаркарската Евролигата се огласи по бурната реакција и изјава на Ергин Атаман по поразот на Панатинаикос од Макаби, во Атина на стартот од четвртфиналната серија.
Во соопштението на веб-страницата на елитното натпреварување, се нагласува дека е недозволиво Атаман да ги етикетира судиите, дека таков приситсок нема да биде толериран и дека е покрената дисциплинска постапка против тренерот на Панатинаикос.
За потсетување, Атаман веднаш по натпреварот потенцираше дека судиите му доделиле шест поени на Балдивин, бидејќи досудиле два непостоечки, смешни фаули при шут за три поени, но во исто време нагласи дека ПАО продолжува понатаму, до завршниот турнир во Берлин.
Атаман на прес-конференцијата отиде чекор понатаму, велејќи дека ќе го напушти Панатинаикос доколку не избори пласман на завршниот турнир.
Макаби води во четвртфиналната серија со 1-0, вториот меч се игра вечерва повторно во Атина, а потоа следуваат два натпревари во Белград – 30 април и 2 мај, а евентуалната мајсторка ќе се игра на 8 мај во Атина.
Спорт
Гвардиола за Жоао Кансело: Ќе видиме на крајот на сезоната
Жоао Кансело е член на Манчестер Сити, а моментално е на позајмица во Барселона до крајот на сезоната. Прашање е дали Барселона сака да го отткупи неговиот договор, откако Португалецот беше означен како еден од главните виновници за елиминацијата од ПСЖ од Лигата на шампионите и поразот од Реал во Ел Класико.
Менаџерот на Манчестер Сити, Пеп Гвардиола изјави дека на крајот на сезоната ќе одлучи дали Кансело ќе се врати во клубот, пренесуваат британските медиуми.
„Се уште не сме разговарале за иднината на Кансело во нашиот клуб. Ќе разговараме на крајот на сезоната“, изјави Гвардиола.
Кансело (29) е член на Манчестер Сити од 2019 година. Тој има договор со англискиот клуб до 30 јуни 2027 година.
Вториот дел од минатата сезона Кансело го мина на позајмица во Баерн, а потоа Манчестер Сити го испрати португалскиот фудбалер на едногодишна позајмица во Барселона.
Кансело оваа сезона одигра 36 натпревари за Барселона и постигна четири гола.