Спорт
Која е Етери Тутберидзе, тренерот „без душа“?
Необичното огромно внимание кое го предизвика олимпиското натпреварување во уметничко лизгање на Олимпијадата во Пекинг, во прв план ја фрли тинејџерката Камила Валиева и нејзиниот позитивен допинг тест и неуспехот да се стигне до злато, но и на необичен начин, Етери Тутберидзе, нејзиниот тренер, која беше обвинета дека „нема душа“ кога строго зборуваше со неа по грешките кои ги направи.
? Here is the video of Eteri Tutberidze after Kamila Valieva finished fourth pic.twitter.com/xg7HH2ckz2
— Eurosport (@eurosport) February 17, 2022
47-годишната Тутберидзе во руската јавноста е позната личност, бидејќи успеа да крене многу руски лизгачки до височините – Евгенија Медведева (олимписко сребро во 2018), Алина Загитова (двократна светска шампионка), Александра Трусова (олимписко сребро во 2022), како и Ана Шчербакова (освојувачката на злато во Пекинг).
Тутберидзе е родена во Москва во 1974 година, како најмладо дете во петчлено семејство со потекло од Грузија. Таа почна со лизгање на само 4 години, но не успеа да стане успешна поради низа повреди и финансиски проблеми на семејството. На 18 години се сели во САД, каде што работи на „Ајс капејдс“, шоуа на мраз, пред во 1999 да се врати во Русија и да работи во циркус, пред конечно во 2003 да стане тренер по уметничко лизгање, за во 2008 да стане дел од олимписката резерва школа во Москва.
Таа има и посеба улога во кариерата на Валиева, која била подготвена да се повлече од лизгањето во 2018 откако Тутберидзе ја прибрала девојката со потекло од Казан во својата тренинг-група. Тутберидзе е позната по новата генерација на „квод-лизгачки“, кои без проблем прават тројни и четворни скокови. Но, критиките велат дека таа ги турка девојките до својот лимит без внимание за нивнате физичка и ментална состојба.
Тука дојде нејзината реакција за разочарувачкото лизгање на Валиева во четвртокот, кога по крајот на програмата полна со грешки и падови, Тутберидзе ја праша девојката зошто се предала предвреме. На ова реагираше и претседателот на ИОЦ, Томас Бах, обвинувајќи ја Тутберидзе дека направила „страшна атмосфера“ за работа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.