Спорт
Колумбиски боксер почина како последица на нокаут
Луис Квинонес (25) е најновото име во светот на боксот кој плати со живот. Минатиот викенд во мечот од суперлесна категорија за титулата државен првак се соочи со Хозе Муњоз (21), борец кој исто така до тој момент беше непоразен. Квинонес не само што беше поразен за првпат, туку вчера, по пет дена во индуцирана кома, почина.
Колумбискиот боксер се струполи на подот по ударите кои ги доби од противникот во 8. рунда. Веднаш бил пренесен во болницата во Баранкила, каде што бил ставен во индуцирана кома, но за жал, немало помош.
Ова не е прв случај на смрт на боксер оваа година. Слична трагедија се случи претходно во Јужна Африка. Пред неколку месеци, јужноафриканскиот боксер Симисо Бутелези (24) почина откако се здоби со повреди на мозокот на мечот во лесна категорија против неговиот сонародник Сифесиле Мнтунгве.
????Muere a los 25 años el pugilista colombiano Luis Quiñones‼️
????El deceso se dio a las 7:05 p. m. de este jueves 29 de septiembre tras cinco días de haber estado en coma, fue noqueado al terminar el 8vo round contra su amigo y compatriota Jose Muñoz.#Quinones #Box #Colombia pic.twitter.com/qWYhTbiKXB
— Andrey G Maya (@AndreyGMaya) September 30, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.