Новак Ѓоковиќ му одговори на својот стар ривал Рафаел Надал, откако Шпанецот тврдеше дека светскиот број 1 има „опсесија“ да освојува гренд слем турнири и да поставува рекорди, додека тој самиот е задоволенд од оствареното.

„Секако, сакам да освојувам повеќе гренд слемови. Нема сомнеж. Но, никогаш не доаѓам до степенот на Новак, кој е опседнат со ова, пофокусиран. Не на негативен начин, секако. Тој е фокусиран на тие работи и му значат повеќе. Секогаш зборува за рекордите и честитки за тоа. Но, тоа не е мојот приод кон тениската кариера“, изјави Надал.

Србинот одговори дека не е опседнат со ништо во животот, туку дека има „страст и огромна желба“ да поставува нови рекорди.

„Не знам зошто тоа би било лоша работа, не само за рекордите, туку и за другите работи, како политиката во тенисот.  Одам напред кон остварување на моите цели и никогаш не сум го криел тоа. Никогаш не ми било тешко да кажам: ‘Сакам да го срушам овој рекорд, или да ја остварам таа цел’. Не можам да зборувам за Рафа, не знам како размислува, но има право да го каже своето мислење. Лично, мислам дека не сум опседнат со ништо, само чувствувам страст и огромна желба“, вели 33-годишниот освојувач на 18 гренд слема.

Третиот светски тениски рекет во моменто, Шпанецот Рафаел Надал, смета дека поразот од Рубљов во Монте Карло во четврт-финалето на мастерсот не е страшен затоа што неговата цел е да се подготви што е можно подобро за големите натпреварувања.

„Сакам да освојувам турнири, тоа го сакам, важно ми е. ‘Ролан Гарос’ може да се освои со титули на претходните натпреварувања, но и без нив. Секако, полесно е кога се освојуваат титули во низа, како што правев јас најчесто на земјена подлога, но сега имам речиси 35 години и ситуацијата малку е поинаква“, вели Надал.

Тој смета дека причината за слабиот настап во Монте Карло е долгата пауза.

„Основната цел ми е да имам шанса за титулата, да бидам конкурентен на секој турнир. Во Монте Карло се чувствував комфорно, но секогаш е тешко да се вратите по долга пауза. Тогаш лесно се случува меч како оној против Рубљов“, смета шпанскиот ас.

Во просек Надал на земјена подлога во кариерата добил 9 од 10 натпревари, а на „Ролан Гарос“ доживеал само 2 пораза – од Содерлинг во 2009 и од Ѓоковиќ во 2015 година.

Македонскиот фудбалски репрезентативец, Даниел Аврамовски (26) е еден од најзаслужните за денешниот бод што турскиот тим на Кајсериспор го освои на домашен терен против екипата на Генчербирлиги – мечот заврши 2-2.

Аврамовски асистираше при двата погодока за својата екипа, во 39 минута одлично додаде до Педро Енрике за 1-0, а во 80 минута запиша нова асистенција до соиграчот Парлак за конечни 2-2.

Неговата екипа на 6 кола до крајот е на со +2 бода од екипите кои следната сезона ќе се натпреваруваат во понизок ранг.

Македонскиот играч од средниот ред сезонава има 19 настапи за турскиот тим, се уште без погодок.

Еве ја деталната статистика на Аврамовски по денешниот меч:

Графика: SofaScore за Топспорт.мк