Спорт
Конте со фудбалска мудрост: Можеш да згрешиш со жената, но не и со напаѓачот
Антонио Конте беше во добро расположение на денешната прес-конференција, на која предизвика бура реакции со цитирањето на поранешниот директор на Фиорентина, Панталео Корвино: „Можеш да згрешиш со изборот на жената, но не и со голманот и напаѓачот“.
Тотенхем утре се враќа на теренот на меч со Барнли и на прашањето колку е важно да имаш искусни фудбалери како Иго Љорис и Хери Кејн, ги насмеа новинарите.
„Се сеќавам дека на ваков одговор еден спортски директор во Италија, кој ми е близок пријател, Панталео Корвино, рече: ‘Можеш да згрешиш за својата жена, но не за напаѓачот’. За мене, тоа е најдобра изјава за мојата претстава на фудбалот, нели? За да градиш тим. Зборуваме за двајца добри фудбалери, двајца важни фудбалери за нас, исто така фудбалери со огромно искуство“, изјави Конте.
Конте и Корвино потекнуваат од Саленто во регионот Пуља, а Корвино е човекот што ги донесе Мирко Вучиниќ, Никола Миленковиќ и Душан Влаховиќ во Италија.
“You can pick the wrong wife but you can’t afford to make a mistake when it comes to a keeper or striker”
Conte quotes Pantaleo Corvino, the man responsible for discovering Vucinic and most recently Milenkovic and Vlahovic. Conte, like Corvino, hails from Salento in Italy’s heel pic.twitter.com/wXKj6tsYM4— Patrick Kendrick (@patrickendrick) February 22, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.
Спорт
Реал го обнови интересот за Де Хеа
Поранешниот голман на Манчестер јунајтед, Давид Де Хеа повторно е во плановите на Реал Мадрид. Искусниот 33-годишен голман, кој е без тим од минатото лето кога му истече договорот со „црвените ѓаволи“, повторно се поврзува со Реал, кој сака да го донесе во своите редови, пишува „Релево“.
Де Хеа требаше да дојде во Реал минатото лето, по повредата на Тибо Куртоа, но на крајот клубот на општо изненадување реши да го позајми Кепа Аризабалега од Челзи.
Сепак, тој не успеа да ги импресионира клупските челници, по завршувањето на сезоната ќе се врати во Челси, а се очекува да си замине и Андриј Лунин, кој сезонава брани во врвна форма.
Луни бара нов клуб каде што ќе биде прва опција, бидејќи не сака да му биде резерва на Куртоа. Прашање е дали Де Хеа ќе се согласи да биде резервен голман.
Спорт
Ларкин од еден се сели во друг крај на Истанбул
Шејн Ларкин е еден од кошаракрите чии договор истекува на крајот од сезоната.
Американецот, пет сезони го носи дресот на Ефес. Со овој клуб освои две титули во Евролигата.
Ларкин ја има најголемата плата во Евролигата. Годишно тој заработува четири милиони евра.
Прашање е дали Ефес ќе му понуди нов договор на 31-годишниот Американец.
Наводно, целата ситуација внимателно ја следат од другиот крај на Истанбул. Фенербахче е заинтересиран да го донесе Ларкин од наредната сезона.
Фенербахче не е единствениот клуб кој покажува интерес за Ларкин, но според медиумите води во трката за неговиот потпис.
Оваа сезона Ларкин има 17 поени по натпревар, 5,2 асистенции, три скока и 1,1 украдена топка.