Спорт
Копа Америка 2019: Бразил по титула и без Нејмар, Аргентина и Меси пред нов предизвик
Во отсуство на Светско првенство или Европско првенство ова лето, европските фудбалски фанови ќе имаат шанси да гледаат малку јужноамерикански фудбал, откако вечерва во Бразил (2.30 часот) стартува Копа Америка 2019.
Бразил првпат по 30 години се домаќини на континенталното натпреварување, кое најавува многу драматични мечеви. Чиле ќе ги брани последните две титули, „Селесао“ ќе се бори за домашна титула без првата ѕвезда Нејмар, додека Лео Меси се враќа со аргентинската репрезентација во уште еден обид да стигне до голема титула во националниот дрес.
Јужноамериканските национални тимови немаа конкурентни мечеви од Светското првенство минаатата година, бидејќи не постојат квалификации за Копа Америка, а тие тимови кои не беа во Русија од октомври 2017 имаа само пријателски мечеви. Но, сега е време за сериозни мечеви.
Со Копа стартува новиот конкурентен циклус во Јужна Америка, кој ќе трае до Светското првенство во Катар во 2022 година. Од 10-те јужноамерикански селекции, шест ќе играат првпат во конкурентен меч.
Традиционалните фаворити, Аргентина и Бразил секако, ќе бидат тие на кои ќе се обрне најмногу внимание и кои имаат најмногу за докажување. Бразилците се без Нејмар, но силата на „Селесао“ во нападот не е за потценување – тука се Роберто Фирмино и Габриел Жесус. Аргентина од друга страна го има Меси во тимот кој не „блика“ со искуство – 15 од 23-те репрезентативци имаат помалку од 15 настапи за „албиселесте“. Покрај Меси, кој сигурно ќе биде под притисок, тука е и тестот на Лионел Скалони, селекторот кој му беше помошник на Хорхе Сампаоли во тимот на Севилја.
Уште поинтересна ситуацијата ќе ја направат двата тима кои ќе настапат како „гости“ – Јапонија и Катар. Јапонија е дефинитивно подобриот тим, додека Катар ја покажа сериозноста со освојувањето на Азискиот куп оваа година.
Копа Америка е најстарото континентално натпреварување, кое првпат се оддржа во 1916 година, и во минатото честопати се оддржуваше секоја година. Растот на јужноамериканскиот фудбал беше забележан од Европјаните на Олимпијадата во 1924 година, кога Уругвај го освои златниот медал, исто како и во 1928 година. Токму овој раст, предизвика организација на првото Светско првенство во 1930 година, во Уругвај, каде што се оддржа и првата Копа Америка во 1916 година.
14.06.2019, ПЕТОК
Бразил – Боливија 02.30 ч.
15.06.2019, САБОТА
Венецуела – Перу 21.00 ч.
Аргентина – Колумбија 00.00 ч.
16.06.2019, НЕДЕЛА
Парагвај – Катар 21.00 ч.
Уругвај – Еквадор 00.00 ч.
ГРУПА А
1.Бразил
2.Боливија
3.Венецуела
4.Перу
ГРУПА Б
1.Аргентина
2.Колумбија
3.Парагвај
4.Катар
ГРУПА Ц
1.Уругвај
2.Еквадор
3.Јапонија
4.Чиле
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Брејк на Фенер во Монако и на Олимпијакос во Барселона
Кошаркарите на Фенербахче и Олимпијакос славеа како гости бво Монако и Барселона, во првите плеј-оф натпревари во Евролигата.
Фенербахче, во малото кнежевство славеше по дополнителните пет минути со 95:91. Во регуларниот дел натпреварот заврши 81:81. Победата на Фенер ја засени повредата на Скоти Вилбекин, кој веројатно нема да биде подготвен за вториот натпревар.
Во победничкиот тим најефикасен беше Најџел Хејс-Дејвис со 19 поени, Ник Калатес додаде 17, а Нејтан Сестина 16 поени.
Во редовите на Монако Ели Окобо имаше 19, а Џордан Лојд и Мајк Џејмс постигнаа по 16.
Следниот натпревар се игра на истото место во петок на 26 април од 19 часот.
Олимпијакос во „Палау Блауграна“, го контролираше натпреварот од првата до последната секунда и заслужено ја победи Барселона со 77:75. Имаше Олимпијакос 13 поени предност во третиот период, Барселона се врати во мечот со серија 8:0. До крајот на натпреварот играчите на грчкиот тим ги одбија сите напади на Барселона.
Црвено-белите до брејк стигнаа со 15 поени на Најџел Вилијамс-Гос, 14 на Ајзеа Кенан, додека Петрушев имаше 12 со пет скока, а Мустафа Фал 11 поени.
Во тимот на Барселона Вили Ернангомез и Џабари Паркер постигнаа по 13 поени, Алекс Абриаес 11, а Рики Рубио 10 поени.
Вториот меч на програмата е во петок во Барселона.
Спорт
(Видео) Аталанта ќе се бори за трофејот во Купот на Италија
Аталанта вечерва избори пласман во финалето, во Кушот на Италија. Во реваншот, талнат ја победи Фиорентина со 4:1.
Предноста со која Фиорентина допатува во Бергамо ја анулира Копмајнерс во осмата минута.
Фиорентина остана со фудбалер помалку во 53.минута, кога Миленковиќ како последен човек во одбраната направи фаул врс Скамака.
И со играч помалку Фиорентина успеа да изедначи преку Мартинез Кватра во 68.минута. Работите во вкупниот резултат ги врати Скамака со евро-гол во 75.минута.
Драмата кулминираше во самиот финиш Лукман погоди во 95. за 3.1, а три минути подоцна точка на натпреварот стави Пашалиќ.
Фиорентина сигурно ќе има жестоки поплаки за судењето на Ла Пења. Впечаток е дека Фиорентина не доби пенал при водство на Аталанта 1:0, а исто така спорен е почетокот на акцијата при третиот гол, кога Бираги беше фаулиран, а и спорна е позицијата на стрелецот на голот Лукман.
Таму ги чека Јувентус кој претходно го победи Лацио.
Финалето е закажано за 15 мај.
Спорт
(Видео) Евертон ги згасна шампионските сништа на Ливерпул
Шампионските сништа на Ливерпул во „Мерсисајд“ дербито ги згасна Евертон. „Карамелите“, вечерва славеа со 2:0 и прв пат по 14 години славеа како домаќини над градскиот ривал.
Корнерите му пресудија на Ливерпул на „Гудисон парк“. Најпрвин реализираше Брејтвајт во 27., а точка на мечот стави Калверт-Лувин во 58.минута.
Ливерпул остана втор на табелата со три бода помалку од Арсенал, трет е Манчестер сити со четири бода и два натпревари помалку.
Евертон, со сите проблеми што ги има сезонава (одземањето на бодови), се чини дека со овој триумф го обезбеди опстанокот во лигата.
На „Олд Трафорд“, нова мачна партија на Манчестер јунајтед. Тимот на Тен Хаг губеше до 61.минута од најслабиот тим во Премиер лигата. На крајот „црвените ѓавли“ славеа со 4:2.
Шефилд поведе во 35. минута преку Богл, а Мегваер израмни во 42. Гостите го вратија водството во 50. минута, кога Чилеанецот Бреретон-Дијаз го совлада Онана. Бруно Фернандеш од пенал во 61. минута изедначи на 2:2.
Во финишот дојде до израз напаѓачкиот квалитет на Јунајтед, па домашните славеа со головите на Бруно Фернандеш во 81. минута и Хојлунд во 85. минута.
Кристал Палас е во одлична форма под водство на новиот менаџер Оливер Глезнер, а по Ливерпул и Вест Хем неговата сила ја почувствува и Њукасл. Двоен стрелец беше Матета во 55. и 88. минута.
Во Вулверхемптон, Бурнемаут со голот на Семења во 37. минута победи со 1:0.