Спорт
Копа Америка:„Кариоките“ со „петарда“ против Перу, историски пласман за Венецуела
Фудбалската репрезентацијата на Бразил во висок стил се пласираше во четвртфиналето на Копа Америка 2019 откако предмалку со високи 5-0 славеше во мечот од третото коло од групната фаза против селекцијата на Перу.
„Кариоките“ се чини победникот го решија уште во првото полувреме кое го добија со резултат 3-0.
Касемиро постигна погодок со глава во 12 минута за отворање на резултатот. Играчот на Ливерпул, Роберто Фирмињо во 19 минута искористи еден подарок од голманот на Перу и ја дуплираше предноста на својата репрезентација. Се чини прашањето на победникот беше решено уште во 32 минута кога Евертон погоди во долниот десен агол за убедливи 3-0.
Во вториот дел Дани Алвеш прецизно стрелаше за 4-0 во 53. минута од мечот, а нововлезениот Вилијан, со маестрален удар од 16 метри во 90 минута ги постави конечните 5-0.
Вредно е да се спомене дека во 93 минута голгетерот на „Кариоките“, Габриел Хесус не искористи удар од белата точка, голманот на Перу му го одбрани ударот.
Бразил групата А ја заврши со две победи и еден нерешен резултат, па сега во четвртфиналето противник ќе му биде третопласираниот во групите Б или Ц.
Како второпласирана репрезентација од групата А во четвртфиналето пласман обезбеди селекцијата на Венецуела која вечерва со 3-1 славеше против Боливија. Ова е историски успех за Венецуела со пласманот во четвртфиналето на Копа Америка.
Стрелци на головите за победничкиот тим беа Мачис во 2 и во 55 минута и Мартинез во 86 минута, додека почесниот погодок за Боливија беше дело на Јустинијано во 82 минута.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.