Спорт
Кореецот кој ги скрши италијанските срца пред 20 години вели дека е горд на победата
Поранешниот напаѓач на Јужна Кореја Ан Џунг-Хван, кој пред 20 години ги скрши италијанските срца со победничкиот гол во драматичниот и контроверзен меч на СП во 2002, вели дека е горд на постигнувањето и додава дека Кореја ја заслужила победата.
Ан го постигна „златниот“ гол за 2:1 победата во осминафиналето на Мундијалот, меч кој уште не е заборавен во Италија поради контроверзните одлуки на еквадорскиот судија Бајрон Морено.
„Се сеќавам како да беше вчера. За мене и за мојата земја тоа беше навистина посебен меч. Никој не веруваше дека можеме да ја победиме Италија, но ние знаевме дека имаме сила, посебно поради подготовките на селекторот Гус Хидинк. Не се плашевме од Италијанците“, вели Ан во интервју за „Ла газета дело спорт“.
На тој меч судијата Морено досуди пенал во првото полувреме за Јужна Кореја, потоа го поништи златниот гол на Дамјано Томаси за контроверзен офсајд и му даде на Франческо Тоти втор жолт картон поради симулирање.
„Судиските одлуки се почитуваат, тука нема сомнеж. Можеби Морено направи грешки, и тогаш без ВАР систем тоа беше проблем. Ние ги прифаќавме судиските одлуки. Нашата победа беше заслужена“, додава Ан.
Судијата Морено се „отвори“ за скандалозниот меч Јужна Кореја-Италија од 2002
Intervista ad Ahn, 20 anni dopo quel dannato gol: "Italia perdonami, ma la mia Corea meritava di vincere" #ItaliaCorea #Mondiali2002 https://t.co/SEbnNoi6jj
— La Gazzetta dello Sport (@Gazzetta_it) June 18, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.