Спорт
„Кориере“ завојува со Интер и Конте – откажан прес за медиуми
Управата на калчолигашот Интер соопшти дека поради протест поради тенденциозното известување на одредени медиуми во Италија, нема да се одржи вообичаената прес-конференција пред денешниот меч против Фиорентина (во 20.45 на „Фриули“ во Фиренца).
Се работи за весникот „Кориере дело Спорт“ кој изминатата недела се чини сериозно „завојува“ со „нероазурите“.
Прво, пред дербито на Интер и Рома објави проблематична наслаовна страна под наслов „Црн петок“ додека на фотографијата беа Ромелу Лукаку и Крис Смолинг.
Сепак, се чини дека чашата ја прелеа кога завчера весникот објави писмо на навивачите на Интер во кое еден од тифозите жестоко го нападна тренерот Антонио Конте, а писмото лично го поддржа и новинарот Итало Чучи.
Поради тоа во Интер сметаа дека засега е најдобро да биде откажана прес-конференцијата.
„Во петокот `Кориере дело Спорт“ објави многу офанзивни зборови на сметка на нашиот тренер, а авторот на текстот ја оправда агресијата во својот коментар. За да им испратиме јасна порака на сите медиуми, дека мораат да гарантираат почитување за сите луѓе, решивме да нема прес-конференција“ – стои во соопштението на Интер.
? | COMUNICATO
Oggi non si terrà la conferenza stampa ? https://t.co/9ZPpGd8cR6#FCIM
— Inter (@Inter) December 14, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.
Спорт
Реал го обнови интересот за Де Хеа
Поранешниот голман на Манчестер јунајтед, Давид Де Хеа повторно е во плановите на Реал Мадрид. Искусниот 33-годишен голман, кој е без тим од минатото лето кога му истече договорот со „црвените ѓаволи“, повторно се поврзува со Реал, кој сака да го донесе во своите редови, пишува „Релево“.
Де Хеа требаше да дојде во Реал минатото лето, по повредата на Тибо Куртоа, но на крајот клубот на општо изненадување реши да го позајми Кепа Аризабалега од Челзи.
Сепак, тој не успеа да ги импресионира клупските челници, по завршувањето на сезоната ќе се врати во Челси, а се очекува да си замине и Андриј Лунин, кој сезонава брани во врвна форма.
Луни бара нов клуб каде што ќе биде прва опција, бидејќи не сака да му биде резерва на Куртоа. Прашање е дали Де Хеа ќе се согласи да биде резервен голман.
Спорт
Ларкин од еден се сели во друг крај на Истанбул
Шејн Ларкин е еден од кошаракрите чии договор истекува на крајот од сезоната.
Американецот, пет сезони го носи дресот на Ефес. Со овој клуб освои две титули во Евролигата.
Ларкин ја има најголемата плата во Евролигата. Годишно тој заработува четири милиони евра.
Прашање е дали Ефес ќе му понуди нов договор на 31-годишниот Американец.
Наводно, целата ситуација внимателно ја следат од другиот крај на Истанбул. Фенербахче е заинтересиран да го донесе Ларкин од наредната сезона.
Фенербахче не е единствениот клуб кој покажува интерес за Ларкин, но според медиумите води во трката за неговиот потпис.
Оваа сезона Ларкин има 17 поени по натпревар, 5,2 асистенции, три скока и 1,1 украдена топка.