Спорт
Коркмаз со драматична „тројка“ за Сиксерси, Јокиќ ги предводеше Денвер (видео)
Филаделфија 76ерс го надминаа отсуството на Џоел Ембид да ги „стопираат“ Портланд трејлблејзерс со 129:128 и да останат единствениот непоразен тим во НБА лигата. Фуркан Коркмаз беше човек на одлука, откако постигна тројка на 0.4 секунди пред крајот на мечот, по што Дамијан Лилард не успеа да го направи истото за Блејзерс.
Претходно, Филаделфија водеше со 126:125, пред Енферни Сајмонс на 2.6 секунди да постигне тројка за Портланд, но тоа не беше доволно за победа. Блејзерси водеа со 21 поен разлика во средината на третата четвртина, но Сиксерси успеаја да имаат импресивен кам-бек.
Никола Јокиќ ги предводеше Денвер нагетс до кам-бек победа од 91:87 на гости кај Орландо меџик за четврти триумф во првите шест меча од НБА лигата. Јокиќ имаше катастрофален старт и по полувремето имаше само четири поени, пред да „експлодира“ во второто полувреме и да ја избрише негативата од 11 поени до крајот на третата четвртина.
Јокиќ го заврши мечот со 20 поени (7-од-14), седум скока и четири асистенции, Џамал Мареј исто така имаше 20 поени.
НБА РЕЗУЛТАТИ
Детроит – Бруклин 113:109
Орланд – Денвер 87:91
Мемфис – Феникс 105:114
Милвоки – Торонто 115:105
Вашингтон – Минесота 109:131
Голден стејт – Шарлот 87:93
Портланд – Филаделфија 128:129
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Милик му обезбеди финале во Купот на Јувентус
Фудбалерите на Јувентус загубија од Лацио во Рим со 2:1, во вториот натпревар од полуфиналето на Купот на Италија. И покрај поразот Јувентус се пласира во своето 22. финале во Купот. Пресуди првиот меч кој Јувентус го доб со 2:0.
Лацио многу подобро го започна натпреварот, веќе во 12. минута поведе. Валентин Тати Кастеланос погоди на асистенција на Луис Алберто.
До крајот на првото полувреме немаше промена на резултатот.
Кастељанос погоди и во 49. минута, а асистент уште еднаш беше Луис Алберто – 2:0.
Се чинеше дека дуелот ќе оди во продолженија, но Јувентус успеа да се извлече во финишот.
Акрадиуш Милик, во 83.минута, во првиот контакт со топката намали на 2:1. Полјакот влезе на теренот на местото на Влаховиќ.
Јувентус во финалето го чека подобриот од дуелот меѓу Фиорентина и Аталанта.
Тимот од Фиренца успеа да слави на првиот натпревар со 1:0, реваншот е утре во Бергамо.
Финалето е на програмата на 15.мај.
Спорт
(Видео) Арсенал го декласира Челси
Арсенал го декласира Челси во заостанатиот натпревар од 29.коло во Премиер лигата. во градската пресметка со 5:0. „Тобџиите“ дојдоа до 77 бода, први се на табелата, имаат три бода повеќе од Ливерпул и три од Манчестер сити, но црвените имаат еден, а „граѓаните“ два натпревари помалку.
Арсенал во градската пресметка ги декласира „сините“ во второто полувреме. Првиот дел заврши со 1:0, со голот што го постигна Торсар во четвртата минута.
Во вториот дел се случи канонада кон глот на Челси. Вајт погоди во 52 минута, потоа Хаверц постигна два гола во 57. и 65.минута, а серијата ја заврши Вајт во 70.минута.
Спорт
Брејк на Макаби во Атина
Плеј-офот во кошаркарската Евролига започна со брејк на Макаби во ОАКА арената во Атина. Макаби го победи Панатинаикос 91:87.
Панатинаикос го контролираше натпреварот 32.минути, неколку пати зелените имаа предност од 12 поени, но не успеаја да го решат натпреварот.
Трагичар е Костас Слукас кој на 20 секунди до крајот продаде топка, а Џош Нибо од линијата за слободи го постави конечниот резултат. До тој момент Слукас одигра совршен натпревар (12 поени, 13 скокови, без загубена топка).
Најдобриот учинок во редовите на Макаби го имаше Бонзи Колсон, која забележа 18 поени со два скока, а го следеа Лоренцо Браун со 16 поени, четири скока и три асистенции, Вејд Болдвин со 15 поени со седум скока. Болдвин поради повреда не играше во последните осум минути.
Двоцифрен беше и Џош Ниебо со 12 поени и осум скока.
Кај Панатинаикос се истакна Матијас Лесор со 22 поени и шест скока, но и очајна реализација на слободните фрлања 4/11, а двоцифрени беа и Џериан Грант и Мариус Григонис со по 11 поени.
Вториот натпревар се игра за два дена исто така во Атина.