Спорт
Коронавирусот пристигнал во Европа преку Воените спортски игри во октомври?
Италијанскиот весник „Ла Република“ тврди дека коронавирусот во Европа не пристигнал во февруари, туку уште во октомври 2019 година кога во Вухан се одржуваа Воените спортски игри.
Првичната теорија е дека вирусот се појави во декември 2019 во кинескиот град Вухан по што пристигна во Европа во февруари – првиот позитивен тест во Италија беше на 20 февруари. Според италијанскиот натпреварувач во мечување, Матео Таљариол, имало премногу болни спортисти на Воените спортски игри, кои се оддржувале во Вухан од 17 до 27 октомври.
„Сите се разболевме, шест од шест во нашиот апартман, а исто така дознавме дека и во другите тимови имаше болни. Лекарите таму ги потрошија сите медицински средства, а мојот пријател Валерио Аспромонте остана во кревет цело време. Јас имав треска и кашлав три недели, а антибиотиците не помогнаа. Потоа се заразија и мојот син и мојата девојка. Не сум лекар, но симптомите беа тие“, вели Таљариол за „Ла Република“.
Слично, и францускиот петобоец Еди Клувел за францускиот весник „Лоир 7“ откри дека имал слично искуство.
„Мислам дека јас и колегата Валентин Бело имавме коронавирус на Воените игри во Вухан. Се разболевме, јас пропуштив три дена тренинг и се чувствував како никогаш претходно“, вели Клувел.
Сепак, француското Министерство за одбрана демантира дека спортистите во Вухан заболеле од Ковид-19 објаснувајќи дека имало само четири потврдени случаи на маларија.
Седмите Светски воени игри привлекоа речиси 10.000 спортисти од над 100 земји што се натпреваруваа во 27 спорта вклучувајќи и четири спортисти од Македонија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Куртоа се враќа до крајот на сезоната
Tренерот на Реал, Карло Анчелоти денеска изјави дека голманот Тибо Куртоа треба да се врати во тренажен процес за десет дена, пренесуваат шпанските медиуми.
На 20 март Куртоа беше опериран поради скинат менискус на десното колено. Шпанските медиуми потсетуваат дека белгискиот голман требаше да паузира до крајот на сезоната, но Анчелоти тврди дека Куртоа успешно се опоравува.
„Куртоа добро закрепнува, би можел да биде во тимот против Кадиз“, изјави Анчелоти.
Шпанските медиуми пренесуваат дека Куртоа сигурно ќе го пропушти натпреварот против Реал Сосиедад во Ла Лига, како и првиот полуфинален натпревар од Лигата на шампионите против Баерн.
Натпреварот од 34. коло во шпанското првенство помеѓу Реал и Кадиз ќе се одигра на четврти мај во Мадрид.
Спорт
Евролигата нема да го толерира однесувањето на Атаман
Кошаркарската Евролигата се огласи по бурната реакција и изјава на Ергин Атаман по поразот на Панатинаикос од Макаби, во Атина на стартот од четвртфиналната серија.
Во соопштението на веб-страницата на елитното натпреварување, се нагласува дека е недозволиво Атаман да ги етикетира судиите, дека таков приситсок нема да биде толериран и дека е покрената дисциплинска постапка против тренерот на Панатинаикос.
За потсетување, Атаман веднаш по натпреварот потенцираше дека судиите му доделиле шест поени на Балдивин, бидејќи досудиле два непостоечки, смешни фаули при шут за три поени, но во исто време нагласи дека ПАО продолжува понатаму, до завршниот турнир во Берлин.
Атаман на прес-конференцијата отиде чекор понатаму, велејќи дека ќе го напушти Панатинаикос доколку не избори пласман на завршниот турнир.
Макаби води во четвртфиналната серија со 1-0, вториот меч се игра вечерва повторно во Атина, а потоа следуваат два натпревари во Белград – 30 април и 2 мај, а евентуалната мајсторка ќе се игра на 8 мај во Атина.
Спорт
Гвардиола за Жоао Кансело: Ќе видиме на крајот на сезоната
Жоао Кансело е член на Манчестер Сити, а моментално е на позајмица во Барселона до крајот на сезоната. Прашање е дали Барселона сака да го отткупи неговиот договор, откако Португалецот беше означен како еден од главните виновници за елиминацијата од ПСЖ од Лигата на шампионите и поразот од Реал во Ел Класико.
Менаџерот на Манчестер Сити, Пеп Гвардиола изјави дека на крајот на сезоната ќе одлучи дали Кансело ќе се врати во клубот, пренесуваат британските медиуми.
„Се уште не сме разговарале за иднината на Кансело во нашиот клуб. Ќе разговараме на крајот на сезоната“, изјави Гвардиола.
Кансело (29) е член на Манчестер Сити од 2019 година. Тој има договор со англискиот клуб до 30 јуни 2027 година.
Вториот дел од минатата сезона Кансело го мина на позајмица во Баерн, а потоа Манчестер Сити го испрати португалскиот фудбалер на едногодишна позајмица во Барселона.
Кансело оваа сезона одигра 36 натпревари за Барселона и постигна четири гола.