Фелипе Андерсон по завршувањето на сезоната како слободен играч ќе го напушти Лацио. Изнендување претставува неговата следна дестинација, бидејќи италијанските медиуми тврдеа дека тој ќе се пресели во Јувентус. Сепак, Андресон реши да се врати во Бразил.

Андерсон, во светлосиниот дрес одигра 319 натпревари, постигна 58 голови и забележа 63 асистенции.

Играчот од средниот ред во два мандати настапуваше за Лацио, од 2013 до 2018 година и од 2021 до 2024 година. Помеѓу овие два мандати, без многу успех играше за Вест Хем и Порто.

Андерсон, кариерата ќе ја продолжи во Палмеирас. Потпиша договор со клубот од Сао Паоло до 31 декември 2027 година.

Италијанските медиуми наведуваат дека причините за враќање во татковината се од приватен карактер.

Конор Галагер, како вистински капитен, ја реши расправијата меѓу Палмер, Џексон и Мадуеке, кој да го шутира пеналот против Евертон. Му ја даде топката на Палмер, бидејќи кога е на теренот тој е задолжен да ги изведува пеналите.

Расправијата фрли дамка на одличното издание на Челси против Евертон и победата од 6:0, во која палмер постигна четири гола и стана првиот играч на „сините“ уште од Еден Азар кој постигнал најмалку 20 голови во една сезона.

Лут на прес конференцијата беше менаџерот Маурисио Покетино, кој ја коментираше расправијата на своите играчи, а не фантастичната победа.

„Најпрво сакам да кажам дека вие, играчите, стручниот штаб и клубот знаете дека Кол Палмер ги изведува пеналите. Срамно е, вознемирен сум. Многу сум вознемирен. Во соблекувалната зборувавме за тоа како се претставуваме затоа што овој натпревар кој се играше во понеделник навечер, го гледаа луѓе во целиот свет. Срамота, сакам да им се извинам на луѓето кои го следат фудбалот и на нашите навивачи, ова е неприфатливо“, изјави Покетино.

Освен за прес-конференцијата, Покетино за „Скај Спортс“, зборуваше и за кавгата која настапа околу тоа кој ќе го шутира пеналот.

„Им кажав дека ова е последен пат да толерирам вакво однесување. Следниот пат ќе ги избркам сите. Ова не е шега.“

Chelsea players Palmer, Madueke, Jackson and Gallagher arguing on who to take the penalty shootout at Stamford pic.twitter.com/Q38A5CPOZB

— GIST LEGEND (@GistLegend) April 15, 2024

Анте Будимир, најдобриот стрелец на Осасуна оваа сезона, синоќа против Валенсија се изрезили за „сите пари“. Хрватот, кој во моментотв е втор најдобра стрелец во Примера, го изведе најлошиот пенал во историјата.

Стрелецот на 16 голови оваа сезона, во 97.минута од натпреварот, при водство на Валенсиј 0:1, до последен момент го чекаше голманот Мамадршвили да падне, на крајот буквално му ја даде топката во рацете.

Пеналот на Будимир може да го погледнете во приложеното видео:

„Анте веќе три пати ми побара прошка за пеналот што го изведе, но нема што да му простам. На крајот на краиштата, Будимир ни донесе толку многу среќа што немаме право да му лутиме за промашувањето, мораме да го охрабриме“, рече по мечот тренерот на Осасуна, Арасате.

Промашениот пенал е најмалиот проблем што во моментов го има Будимир. Тој се повредил против Валенсија и ноќта ја минал во болницата.

„Веднаш по натпреварот Анте Будимир беше пренесен во Универзитетската болница во Навара. Тестовите покажаа дека претрпел сериозна траума во пределот на градниот кош. Поточно, скршил три ребра. Прими лекови против болки. Ноќта ќе ја помине во болница. а во вторник ќе биде подложен на дополнителни претреси“, објави клубот.