Спорт
Косово ја избегна Србија, но се најде во група со три држави кои не го признаваат
Иако репрезентацијата на Косово требаше да заврши во групата А со Португалија, УЕФА ја избегна можноста да ја постави во група со Србија, автоматски префрлајќи ја во групата Ц во квалификациите за СП 2022, иронично, со три држави кои официјално ја немаат признаено независноста – Шпанија, Грција и Грузија.
Шпанската влада реши да не го признае прогласувањето на независноста на Косово на 17 февруари 2008 година поради сопствените проблеми со сепаратистичките движења во Каталонија и Баскија.
Шпанската кралска фудбалска федерација (РФЕФ) пред ждрепката побара само едно нешто – да не е во група со Гибралтар, поради спорот со минијатурната држава на нејзините граници. Шпанија во февруари 2019 се повлече од организирањето на Европското првенство до 17 години, поради непризнавањето на знамето и химната на Косово, по што УЕФА ја „пресели“ групата во Нион, Швајцарија, но ги натера Шпанците да ги покријат трошоците.
Сепак, оваа година, на 5 мај, шпанскиот премиер Педро Санчез учествуваше на самитот со балканските земји, вклучувајќи го и Хашим Тачи, во прв пример Шпанија да учествува на една конференција во присуство на Косово. Не се очекува да има било какви политички проблеми за одигрувањето на мечевите.
??? Curioso… España jugará en la fase de clasificación europea a #Qatar2022 contra un país… que no reconoce (Tampoco Grecia ni Georgia, otras dos rivales del grupo) https://t.co/PxaIad1iTf por @Miguelangelara
— MARCA (@marca) December 7, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.