Спорт
Косовскиот сојуз во преговори со Роберто Карлос

Фудбалската репрезентација на Косово, во вторникот, ги загуби шансите за пласман на Светското првенство. Логично, цехот за неуспехот го плати селекторот. Косово е во потрага по нов шеф на стручниот штаб.
Вчера, речиси сигурен избор беше Германецот, Феликс Магат, но денес косовските медиуми, пишуваат дека блиску до клупата на Косово е Роберто Карлос.
Еден од најдобрите леви бекови во историјата на фудбалот, нема големо искуство како тренер. Последен пат работел во 2015 година во Индија, во Делхи Дајнамикс.
Бразилецот светска слава стекна во дресот на Реал Мадрид. За „кралскиот клуб“ одиграл 370 натпревари и постигнал 47 голови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Барселона сака да го доведе Амрабат на заем

Барселона се обидува да го доведе Софијан Амрабат од Фиорентина во последните часови од преодниот рок, пренесува доверливиот новинар Жерар Ромеро. Играчот од средниот ред беше еден од најистакнатите играчи на Светското првенство во Катар, импресионирајќи со своите настапи за селекцијата на Мароко.
Каталонците ќе сакаат зделката да биде само на позајмица до крајот на сезоната, а причина за тоа е нивната финансиска состојба.
Фиорентина тешко ќе се раздели со својата ѕвезда, но се очекува самиот Амрабат да притиска до крајот на денот за да се пресели во шпанскиот клуб.
Спорт
Кристијан Ериксен ќе паузира три месеци

Данскиот интернационалец Кристијан Ериксен нема да игра најмалку три месеци откако се повреди по грубиот старт на Енди Керол на натпреварот од ФА Купот меѓу Манчестер Јунајтед и Ридинг (3:1).
„Кристијан Ериксен ќе паузира подолг период поради повреда на зглобот заработена на победата над Ридинг во ФА Купот. Нашиот играч од средниот ред ја напушти играта во второто полувреме откако беше соборен од Енди Керол, а подоцна тој беше исклучен поради два жолти картони. Првичните проценки велат дека Ериксен ќе се врати кон крајот на април или почетокот на мај. Неговото отсуство е големо разочарување за тренерот Ерик тен Хаг и навивачите, со оглед на тоа што играше константно оваа сезона“, објави Манчестер Јунајтед.
Speedy recovery, @ChrisEriksen8 🙏#MUFC
— Manchester United (@ManUtd) January 31, 2023
Спорт
Тотенхем успеа да го добие Педро Поро од Спортинг Лисабон

Челниците на Тотенхем успеаја да го обезбедат трансферот на Педро Поро. Откако Спортинг Лисабон се согласи на договор, тоа ќе биде позајмица до крајот на сезоната со задолжително откупување од 40 милиони евра.
Сепак, тука не е крајот на добрата работа на лондонскиот клуб во последниот ден од преодниот рок. Како што пренесуваат англиските и шпанските медиуми, склучен е договор со Атлетико Мадрид, па Мет Доерти вториот дел од сезоната ќе го помине со „јорганџиите“ како позајмен играч од Лондон.
Ирецот не е првиот избор на Конте на позицијата крај десната аут линија каде предност има Емерсон Ројал, а сега пристигна и Педро Поро.