Спорт
Крајно почитување! Алонсо ќе се трка со боите на германското знаме во чест на стариот ривал Фетел
Фернандо Алонсо и Себастијан Фетел во минатото беа меѓу најлутите ривали во борба за титулата во Формула 1, во периодот кога Фетел доминираше со тимот на Ред бул, но шпанскиот возач очигледно има високо мислење за Германецот.
Пред последната трка во кариерата на Фетел во Абу Даби овој викенд, Алонсо потврди дека ќе вози со посебно дизајнирана кацига во чест на Германецот. Алонсо, за разлика од него, не планира да се пензионира и следната година ќе вози во нов тим, преминувајќи од Алпин во Астон Мартин, каде што ќе го замени Фетел.
„Данке Себ, уште еднаш ќе ја поделиме патеката. Ќе биде емотивно и тажно во исто време, но ти посакувам многу среќа во следното поглавје на животот“, напиша Алонсо на социјалните мрежи
Danke Seb, One last time sharing the track with you, It will be emotional and sad at the same time, but I wish you all the best for your next chapter. #helmet #abudhabi #f1 #dankeseb https://t.co/EIwISRiNEv
— Fernando Alonso (@alo_oficial) November 17, 2022
Alonso had a special helmet for the Abu Dhabi GP.
Sebastian Vettel 🤝 Fernando Alonso! #DankeSeb #F1 #FernandoAlonso pic.twitter.com/KeDdy0EjSx— RacingNews365.com (@Racingnews365C) November 17, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Абердин ќе бара 8.000.000 фунти за Миовски
Македонскиот репрезентативец Бојан Миовски, во летниот преоден рок ќе го напушти Абердин. Шкотските медиуми пишуваат дека интерес за Македонецот покажале великаните не само на шкотскиот туку и на европскиот фудбал, Ренџерс и Селтик. Според овие извори поголем интерес постои кај „полицајците“.
Глазгов Ренџерс подолг период внимателно го следи Миовски, кој ја игра најдобрата сезона во кариерата. Во сите натпреварувања, Миовски одигра 48 натпревари, постигна 24 гола.
Цената која треба да ја издвојат заинтересираните клубови изнесува 8.000.000 фунти.
Покрај Ренџерс и Селтик, интерес за Миовски наводно има и кај Феенорд. Актуелниот освојувач на Купот на Холандија, бара замена во нападот за Мексиканецот Хименес, кој извесно е дека ќе го напушти клубот.
Спорт
Наз Рид најдобра резерва во НБА лигата
Центарот на Минесота Тимбервулвс, Наз Рид, ја доби нагрдата за најдобар шест играч во НБА лигата.
Рид, од експертите добил 352 гласа, десет повеќе од бекот на Сакраменто Кингс, Малик Монк.
Наз Рид, во регуларниот дел од сезоната имаше просек од 13,5 поени, 5,2 скока и 1,3 асистенции во 81 одигран натпревар. На 67 натпревари тој влегуваше од клупата, како замена за Руди Гобер или Карл Ентони Таунс.
Тимбервулфс на крајот го освоија третото место во Западната конференција со скор од 56 победи и 26 порази.
Во четврток ќе биде доделена наградата „Клач играч на годината“, односно играч кој бил најдобар во клучните моменти, тука финалисти се Стеф Кари, Демар Дерозан и Шеј Гилџис-Александер.
Наградата за тренер на годината се доделува во недела, а меѓу финалистите се Мајк Дагно од Оклахома, Крис Финч од Минесота и Џамал Мозли од Орландо.
Спорт
ФА го казни Компани
Менаџерот на Барнли, Винсент Компани е казнет од челниците на Фудбалската асоцијација на Англија (ФА).
Причината за казната е неговото однесување на натпреварот од Премиер лигата со Челзи на „Стемфорд Бриџ“.
Компани неколку пати го нарекол судијата Дарен Ингланд „е.ен измамник“, откако претходно досуди пенал за Челзи во 40. минута.
Поради непримерното однесување Компани доби црвен картон.
Компани ќе треба да плати 10.000 фунти и нема да може да го води тимот во два натпревари.