Спорт
Кралсен одби да ја брани титулата
Магнус Карлсен одби да игра против Јан Непомњашчиј за титулата најдобар шахист во светот.
Рускиот шахист Јан Непомњашчиј изјави дека е многу разочаран од одлуката на актуелниот светски шампион на Норвешка, Магнус Карлсен, да одбие да игра против него за светската титула.
Карлсен во средата објави дека не сака да игра со Непомњашчиј, кој го освои турнирот во Мадрид претходно овој месец за да го добие правото да го предизвика шампионот во 2023 година.
„Лично, ова го сметам за многу разочарувачки и тажно. Можеби се чувствуваше како заложник на целата ситуација што нè опкружува“, рече Непомњашчиј.
Карлсен стана светски шампион во 2013 година и оттогаш четири пати ја бранеше титулата. Последен пат беше против Непомњашчиј во 2021 година.
Карлсен изјави дека едноставно не сака да ја брани титулата. Норвежанецот остана на најавата дека нема да ја брани титулата доколку во Мадрид не победи најдобриот јуниор на светот, Али Реза Фируџа.
Првиот човек на Меѓународната шаховска федерација (ФИДА), Аркадиј Дворкович изјави дека Карлсен официјално не се пензионирал, но дека неговата позиција ќе биде почитувана.
Напомњашчиј на тој начин ќе игра за титулата светски првак со второпласираниот кандидат од турнирот за кандидати, Кинезот Динг Лирен, а светот ќе добие нов шаховски владетел.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Милик му обезбеди финале во Купот на Јувентус
Фудбалерите на Јувентус загубија од Лацио во Рим со 2:1, во вториот натпревар од полуфиналето на Купот на Италија. И покрај поразот Јувентус се пласира во своето 22. финале во Купот. Пресуди првиот меч кој Јувентус го доб со 2:0.
Лацио многу подобро го започна натпреварот, веќе во 12. минута поведе. Валентин Тати Кастеланос погоди на асистенција на Луис Алберто.
До крајот на првото полувреме немаше промена на резултатот.
Кастељанос погоди и во 49. минута, а асистент уште еднаш беше Луис Алберто – 2:0.
Се чинеше дека дуелот ќе оди во продолженија, но Јувентус успеа да се извлече во финишот.
Акрадиуш Милик, во 83.минута, во првиот контакт со топката намали на 2:1. Полјакот влезе на теренот на местото на Влаховиќ.
Јувентус во финалето го чека подобриот од дуелот меѓу Фиорентина и Аталанта.
Тимот од Фиренца успеа да слави на првиот натпревар со 1:0, реваншот е утре во Бергамо.
Финалето е на програмата на 15.мај.
Спорт
(Видео) Арсенал го декласира Челси
Арсенал го декласира Челси во заостанатиот натпревар од 29.коло во Премиер лигата. во градската пресметка со 5:0. „Тобџиите“ дојдоа до 77 бода, први се на табелата, имаат три бода повеќе од Ливерпул и три од Манчестер сити, но црвените имаат еден, а „граѓаните“ два натпревари помалку.
Арсенал во градската пресметка ги декласира „сините“ во второто полувреме. Првиот дел заврши со 1:0, со голот што го постигна Торсар во четвртата минута.
Во вториот дел се случи канонада кон глот на Челси. Вајт погоди во 52 минута, потоа Хаверц постигна два гола во 57. и 65.минута, а серијата ја заврши Вајт во 70.минута.
Спорт
Брејк на Макаби во Атина
Плеј-офот во кошаркарската Евролига започна со брејк на Макаби во ОАКА арената во Атина. Макаби го победи Панатинаикос 91:87.
Панатинаикос го контролираше натпреварот 32.минути, неколку пати зелените имаа предност од 12 поени, но не успеаја да го решат натпреварот.
Трагичар е Костас Слукас кој на 20 секунди до крајот продаде топка, а Џош Нибо од линијата за слободи го постави конечниот резултат. До тој момент Слукас одигра совршен натпревар (12 поени, 13 скокови, без загубена топка).
Најдобриот учинок во редовите на Макаби го имаше Бонзи Колсон, која забележа 18 поени со два скока, а го следеа Лоренцо Браун со 16 поени, четири скока и три асистенции, Вејд Болдвин со 15 поени со седум скока. Болдвин поради повреда не играше во последните осум минути.
Двоцифрен беше и Џош Ниебо со 12 поени и осум скока.
Кај Панатинаикос се истакна Матијас Лесор со 22 поени и шест скока, но и очајна реализација на слободните фрлања 4/11, а двоцифрени беа и Џериан Грант и Мариус Григонис со по 11 поени.
Вториот натпревар се игра за два дена исто така во Атина.