Спорт
Крос: Реал не личи на тим, Мбапе ја наруши структурата во соблекувалната
Реал Мадрид и она што се случува во клубот, речиси секојдневно е тема во спортската јавност. Несогласувања со тренерот, физички пресметки меѓу фудбалерите и секако Килијан Мбапе се главни теми.
Најдобриот стрелец оваа сезона, Килијан Мбапе и неговото заминување во Италија среде сезоната, а пред тоа имаше информации дека тој имал жестока расправија со еден од помошниците на Алваро Арбелоа, кој за време на еден тренинг имал улога на линиски судија и го му кренал офсајд на францускиот напаѓач.
Тони Крос, еден од симболите на доминацијата на Реал, зборуваше на оваа тема.
„Да бидеме искрени. Оваа ситуација не започна со доаѓањето на Мбапе, туку порано. Реал се обиде да го потпише неколку пати и секој пат беше одбиен. Кога ова се случува постојано, луѓето почнуваат да ја доведуваат во прашање намерата. Однадвор, се чинеше како Реал да се користи како лост за обезбедување подобар договор на друго место. Сега кога Мбапе конечно е тука, наместо се да биде подобро, се појавија нови проблеми“, рече Крос и додаде:
„Реал Мадрид беше функционален тим, со структура, хемија и играчи кои ги знаеја своите улоги. Кога ќе пристигне играч како Мбапе, сè се менува. Не секогаш на подобро. Тој не секогаш изгледа природно на теренот. Улогата на „деветка“ не му одговара целосно, а кога клучните играчи заземаат слични позиции, тимот губи рамнотежа. Фудбалот на врвно ниво се состои од детали. Малку нервоза може да влијае на сè.“
Ситуацијата е таква што некои играчи од сегашниот тим на Реал сигурно нема да бидат во клубот следната сезона. Не само затоа што играат лошо, туку едноставно, мора да има чистка во соблекувалната.
„Надвор од теренот, можете да ја почувствувате тензијата. Кога нема добри резултати, луѓето почнуваат да зборуваат, навивачите реагираат, медиумите реагираат, дури и во соблекувалната нешто може да се промени. Ова е нормално во клуб како Реал. Сепак, кога ќе пристигне нов играч, тој може да предизвика поделба, не поради квалитетот, туку поради неговото влијание врз групата. Веќе видовме големи трансфери кои беа неуспешни. Талентот никогаш не е доволен, ако нема рамнотежа, работите лесно можат да тргнат наопаку. На Реал му требаат не само одлични играчи, туку и единство и систем во кој сите се вклопуваат. Без тоа, дури и најпознатите имиња нема да го решат проблемот“, рече Крос.
Foto/ Depositphotos
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Сити и Родри се блиску до нов договор
Капитенот на Манчестер Сити и шпанската репрезентација Родри е блиску до потпишување на нов договор со англискиот клуб.
Оваа вест ја објави новинарот Матео Морето, кој тврди дека нема да има разговори меѓу Реал Мадрид и Родри, бидејќи Шпанецот влегува во финални преговори со Сити.
Неговиот тековен договор истекува во летото 2027 година, па Сити мораше да дејствува за да избегне да го пушти во летниот преоден рок, за симболична оштета или следниот јули без обештетување.
Златната топка од пред две години, речиси една година паузираше поради тешка повреда на коленото.
Сезонава на моменти делуваше како Родри од најдобрите денови, поради што Сити одлучи да го задржи.
Родри пристигна во Сити во летото 2019 година од Атлетико Мадрид за 80.000.000 евра и е едно од најважните засилувања во историјата на клубот.
Тој освои четири титули во Премиер лигата, Лигата на шампионите, три Лига купови, ФА Купот, Светското првенство за клубови и Европскиот Суперкуп, додека го освои ЕУРО 2024 со Шпанија, кога ја освои и Златната топка.
Foto/ Depositphotos
Спорт
(Видео) Реал се жали до УЕФА: Вака ни одзедоа 16 бода
Од почетокот на сезоната, Реал Мадрид подготвува обемно досие за судиските грешки за кои верува дека му наштетиле во Ла Лига, кое ќе го презентира пред УЕФА.
Клубот собира одлуки на судиите одлуки што му наштетиле оваа сезона и минатата сезона.
Флорентино Перез на прес-конференцијата одржана вчера, објави дека клубот на УЕФА ќе и достави досие од 500 страници и видео со разни одлуки што го чинеа тимот 16 бода оваа сезона.
Барселона моментално има водство од 14 бода…
И тоа не е сè. Три кола пред крајот на првенството, Реал е тимот што беше оштетен најмногу пати по интервенциите на ВАР. Имало вкупно 14 интервенции на ВАР во натпреварите на „кралскиот клуб“, од кои 11 одлуки беа против на Реал, а само три во нивна корист (-8).
Тоа е тимот со најмногу интервенции против себе и трет со најмалку одлуки во своја корист.
Од друга страна, Барселона има биланс од +5 интервенции во своја корист: беа оштетени осум пати, но профитираа во 13 ситуации (втора најмногу).
И тоа само во ситуации кои се официјално регистрирани, бидејќи клубот не ги игнорира моментите кога, според нив, биле оштетени не од акција, туку од недостаток на реакција.
Еве еден поглед на судиските грешки што го чинеа Реал 16 бода и кои клубот ги вклучи во видео што ќе го презентира УЕФА:
🚨 El VIDEO DE RMTV afirmando que los árbitros le han robado al REAL MADRID 16 puntos está temporada, es una absoluta vergüenza esto.
Es necesario difundir este vídeo. pic.twitter.com/AVbmySFLhD
— (fan) REAL MADRID FANS 🤍 (@AdriRM33) April 27, 2026
12-то коло | Рајо Ваљекано – Реал Мадрид 0:0
14-то коло | Жирона – Реал Мадрид 1:1
15-то коло | Реал Мадрид – Селта 0:2
25-то коло | Осасуна – Реал Мадрид 2:1
30-то коло | Мајорка – Реал Мадрид 2:1
31-во коло | Реал Мадрид – Џирона 1:1
32-ро коло | Бетис – Реал Мадрид 1:1
Foto/ EPA
Спорт
УЕФА го казни Фенер – Пријавиле дека му плаќаат на Актуркоглу по 35 евра месечно
Европската фудбалска унија (УЕФА) го казни Фенербахче со десет милиони евра за низа манипулации и неправилности во финансиското работење.
Комисијата на УЕФА, која се занимава со спроведување на правилата за финансиска одржливост и го контролира балансот помеѓу приходите и расходите на клубовите на ниво на контрола на платите, трансферите и надоместоците на менаџдерите, нотирала бројни неправилности во работата на Фенербахче.
Сомнителни детали биле забележани во договорите на Жозе Мурињо, Керем Аџтуркоглу, Милан Шкрињар и Диего Карлос, а особено биле испитани договорите на Мурињо и Актуркоглу.
Ревизијата покажала дека клубот се обидува да направи измама во извештајот за трансферот и платата на турскиот репрезентативец кој пристигна од Бенфика минатото лето.
Актуркоглу вп Фенербахче се пресели за сума од 22,5 милиони евра. На годишно ниво заработува 5,2 милиони евра, овие бројки не биле прикажани во извештаите на клубот.
Фенербахче се послужи со измама за да го доведе. На средина од сезоната се покажа дека договорот што клубот го испратил до Фудбалската асоцијација на Турција бил чиста манипулација. Во тој договор пишува дека Актуркоглу игра за Фенербахче за плата од 1.907 лири месечно (35 евра), што е законскиот минимум во турскиот фудбал.
Прво, истражувачките медиуми во Турција почнаа да се занимаваат со оваа тема, а потоа реагираше и УЕФА.
Била извршена инспекција, побарана дополнителна документација и официјални записи за неговите плати. За време на постапката, на Фенербахче му била дадена можност да презентира одбрана, што од клубот и го направила, но тие не убедиле никого дека правилата за ограничувања на трошењето на платите на играчите не се прекршени. Како дел од одбраната што ја презентираше Фенербахче, бизнисменот Хакан Сафи изјави дека тој бил спонзор за доведување на играчите:
„Ќе ги покријам трошоците за маркетиншките права за имиџот и работата на Керем Актуркоглу, како и менаџерските провизии, за кои ќе платам вкупно 35 милиони евра во следните четири години. Нека тоа биде мојот подарок за Фенербахче“, изјави тој.
Сафи е еден од најбогатите луѓе во Турција и е поранешен член на Управниот одбор на клубот.
Документацијата покажа дека клубот го регистрирал Актуркоглу за годишна плата од 420 евра, а дека вистинската сума била „протната“ низ документите како „маркетиншки права на имиџот и делото“ платени на Сафа, за што се плаќа помалку данок.
Според правилата, за плата од 5,2 милиони евра, Фенербахче би требало да издвои седум милиони покрај даноците, но документацијата тоа никаде не го покажува.
Парите за кои Фенербахче всушност ја оштети дрѓавата сега ќе се слеат во касата на УЕФА во форма на казна.
Foto/ depositphotos
Извештаи за состојбата на ракетните залихи: „Иран се подготвува за обновени непријателства“
Иран веројатно се подготвува за обновени непријателства со САД и Израел, соопшти во вторникот Институтот за проучување на војната (ISW),...
Зеленски: Трамп нека го покрене прашањето за прекинување на руската инвазија на состанокот со кинескиот претседател
Украинскиот претседател Володимир Зеленски денес го покани својот американски колега Доналд Трамп да го покрене прашањето за прекинување на руската...
Полска ја активира воздушната одбрана, Словачка привремено ја затвора границата: „Ја следиме ситуацијата“
Полска ја активираше својата воздушна одбрана околу 13 часот откако беше пријавен голем руски напад со беспилотни летала врз Украина....
Министерство за здравство: На Клиниката за хематологија нема недостиг на лекови и терапија
Министерството за здравство ги демантира информациите кои се појавија во дел од медиумите за „колапс на Клиниката за хематологија“. „Во...
(Видео) „Политико“: Трамп отиде во Кина за да побара помош со Иран
Амбициите на претседателот Доналд Трамп за неговата средба со кинескиот лидер Шји Џјинпинг се сведени од објавување на „голем договор“...
Педијатар во Германија обвинет за силување и злоупотреба на деца во болница
Педијатар во болница во близина на Берлин е обвинет за 130 сексуални прекршоци, вклучувајќи сексуална злоупотреба и силување на деца,...
Руте: Русија е главната закана за НАТО
Генералниот секретар на НАТО, Марк Руте, денес на самитот во Букурешт (Б9) во главниот град на Романија изјави дека Русија...
Путин: Русија продолжува да развива нуклеарни сили способни да пробијат секаков штит
Рускиот претседател Владимир Путин го посети Московскиот институт за термотехника (МИТ), едно од клучните претпријатија на рускиот воено-индустриски комплекс, каде...
СДСМ: Внесете ги малцинствата во Уставот, знаеме дека не мислите на другите, барем мислете на себе
„Христијан Мицкоски денеска изјави дека ВМРО е „промакедонска партија“. Промакедонска? Значи, не се македонска? Не може да бидат македонска партија...