Јужноамериканската селекција на Уругвај претрпе висок и убедлив пораз од селекцијата на Полска во главната групна фаза на ракометниот Мундијал во Египет. Полјаците славеа со 30-16 и ги задржаа шансите за прогрес во разигрувањата.

И со практично втор состав Полска беше пресилна за Уругвајците, па предводени од расположениот Морито кој осумпати прецизно стрелаше со 4 бода пред следните 2 меча од групата атакуваат на четвртфинале.

Освен Морито кај Полска 5 гола постигна Сицко, а 4 Сувара.

Кај Уругвај најпрецизен беше Кансио со 6 гола.

Иако многумина на овој Мундијал очекуваа изненадувањето да биде Јапонија (посебно по ремито со Хрватска), сепак „самураите“ денеска го положија оружјето пред селекцијата на Аргентина. „Гаучосите“ славеа со 28-24 предводени од феноменалниот Симонет (5 гола) и денеска незадржливиот Пизаро со 10 погодоци.

Аргентина моментно е втора на табелата со 4 бода, бод повеќе од Хрватска на третата позиција, но „коцкастите“ од 18 часот ги чека дуелот со Бахреин.

Напаѓачот на Манчестер Сити, Аргентинецот Серхио Кун Агуеро објави дека е позитивен на коронавирусот.
Агуеро ги пропушти последните два натпревари на „граѓаните“ затоа што беше со самоизолација откако претходно бил во контакт со заразен пријател, а сега на Твитер потврди дека и самиот тој е заразен со вирусот.

Во следните 10 дена Сити на распоред има 3 меча, а Агуеро нема да биде дел од нив.

Оваа вест доаѓа во лош момент за Пеп Гвардиола и Манчестер Сити, посебно ако се знае дека од почетокот на сезоната тој одигра само 9 меча затоа што паузираше долго време поради повреда.

И без неговите услуги Сити има одлични резултати изминатиот период, стационирани се избраниците на Гвардиола на втората позиција, веднаш зад лидерот Јунајтед. Сепак, густиот распоред бара освежување во навалната линија на тимот од Манчестер.

Sergio Aguero announces he's tested positive for COVID-19. pic.twitter.com/WyI9ZrNDgt

— B/R Football (@brfootball) January 21, 2021

Се навршија две години од трагичната смрт на аргентинскиот напаѓач, Емилијано Сала, а семејството се уште не знае под какви околности дошло до падот на авионот.

На денешен ден во 2019 година се сруши авионот во кој беше Сала, а со кој од Нант патуваше кон Британија. Телото на 28-годишниот фудбалер беше извлечено од Ламанш, додека остатоци од авионот и телото на пилотот Дејвид Оботсон никогаш не беа пронајдени.

„Трагично е што по две години од смртта на Емилијано се уште не знаеме како загина. Истрагата е единствениот начин како да се открие вистината. Се надеваме дека истрагата ќе почне по судењето на Дејвид Хедерсон и дека нема да мораме да поминуваме уште една година без одговори“ соопштија од семејството на Сала.

Хедерсон беше организатор на летот, а во октомври минатата година ги отфрли обвинувањата дека ја загрозил безбедноста на леталото. Неговото судење ќе продолжи во октомври годинава.