Спорт
Кваљарела со два гола, Италијанците го „начекаа“ Лихтенштајн, Данците со луд пресврт во Швајцарија (видео)
Италија стигна до рутинска 6:0 победа над аутсајдерот Лихтенштајн, во меч во кој ветеранот Фабио Кваљарела постигна два гола од пенал за „аѕурите“, додека Шпанија без својот селектор Луис Енрике стигна до 2:0 победа на гостувањето кај уште еден аутсајдер, Малта во квалификациите за Европското првенство во 2020 година.
Покрај двата гола на Кваљарела во листата на стрелците повторно се запиша и тинејџерот на Јувентус, Моисе Кин, како и Сенси, Верати и Паволети за втора победа по таа над Финска (2:0) во обновениот состав на селекторот Роберто Манчини.
И Шпанија стигна до очекувана победа на гостувањето на Малта, откако критикуваниот Алваро Мората постигна два гола во отсуство на Луис Енрике, откако селекторот остана во Шпанија поради „лични причини“.
Босна и Херцеговина пак, имаше фуриозен старт на „Билино поље“ во Зеница за да поведе со 2:0 против Грција со головите на Пјаниќ и Вишќа, но затоа имаа кошмарно второ полувреме во кое Пјаниќ доби црвен картон, а Грција успеа да се врати за 2:2 реми.
Интересно беше и во Базел, каде што Швајцарија имаш прво поведе со 3:0 против Данците со головите на Фројлер, Џака и Емболо, пред гостите во последните 10 минути да постигнат три гола и да обезбедат поен.
Луд меч одиграа и нордиските ривали Норвешка и Шведска (3:3). Домаќините имаа 2:0 водство пред Швеѓаните да направат пресврт и да поведат со 3:2, пред Норвешка да спаси поен со гол во 97. минута.
Фото: ЕПА
КВАЛИФИКАЦИИ ЗА ЕВРО 2020
ГРУПА Д
Република Ирска – Грузија 1:0
Швајцарија – Данска 3:3
Табела: 1.Швајцарија 6, 2.Р.Ирска 6, 3.Данска 0 , 4.Грузија 0, 5.Гибралтар 0
ГРУПА Ф
Малта – Шпанија 0:2
Норвешка – Шведска 3:3
Романија – Фарски Острови 4:1
Табела: 1.Шпанија 6, 2.Шведска 6, 3.Романија 3, 4.Малта 3, 6.Норвешка 0, 5.Фарски О. 0
ГРУПА Ј
Ерменија – Финска 0:2
Босна и Херцеговина – Грција 2:2
Италија – Лихтенштајн 6:0
Табела: 1.Италија 6, 2.Грција 4, 3.БиХ 4, 4.Финска 3, 5.Лихтенштајн 1, 6.Ерменија 0
ИТАЛИЈА – ЛИХТЕНШТАЈН 6:0
БИХ – ГРЦИЈА 2:2
ШВАЈЦАРИЈА – ДАНСКА 3:3
ИРСКА – ГРУЗИЈА 1:0
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.
Спорт
„Мундо депортиво“: Зидан се договорил со Баерн Минхен
Зинедин Зидан ќе биде новиот тренер на Баерн Минхен, пренесува каталонскиот „Мундо Депортиво“. Зидан е без работа откако го напушти Реал Мадрид пред три години.
„Дознаваме дека преговорите се при крај, дури и двете страни сметаат дека се е готово и практично завршено. Зидан само побарал да му се доведат засилувања, особено во одбраната“, тврдат овој извор.
Зидан планираше да стане селектор на Франција, но Дидие Дешамп и понатаму останува на таа позиција. Од друга страна, Баерн, кој по 11 години остана без титулата германски шампион, сакаше да го доведе германскиот селектор Јулијан Нагелсман, но тој го продолжи договорот до 2026 година.
Претходно ПСЖ и Манчестер јунајтед се обидоа да го доведат Зидан, но тој ги одби нивните понуди.
Зидан, 51-годишникот од Марсеј, освои три ЛШ со Реал Мадрид, две шампионски титули на Шпанија, по два УЕФА и шпански Суперкупа, две титули на Светското клупско првенство…
Спорт
Рома преговара за трансферот на Киеза
Тренерот на Рома, Даниеле Де Роси, кој го продолжи договорот со клубот, е голем фан на фудбалерот на Јувентус, Федерико Киеза. Де Роси не кри дека би сакал да го има во својот тим крилниот напаѓач.
Де Роси работеше со него додека му беше асистент на Роберто Манчини во италијанската репрезентација.
Договорот на Киеза со Јувентус истекува во јуни 2025 година, што значи дека ова лето влегува во последната година од истиот.
Тоа значи дека ова лето е веројатно последна шанса клубот да заработи нешто од неговата продажба.
Свесни за ова, челниците на Рома веќе закажале состанок со неговиот менаџер Фали Рамадани.
Покрај Рома, интерес за Киеза покажува и Њукасл.