Спорт
Лацио „пукна петарда“ во Верона, Рома со сомнителен пенал ја реши Фиорентина
Римските екипи, Лацио и Рома забележаа триумфи во 36-тото коло од Серија А.
Лацио како гостин во „градот на љубовта“ славеше убаедлив триумф со 5-1 против Верона.
Од шесте гола на мечот, дури 3 беа постигнати од белата точка (2 за Лацио).
Амрабат (од пенал) ги донесе домашните во водство во 38 минута, а длабоко во надополнувањето од првиот дел, Имобиле (исто од пенал) израмни на 1-1.
Во вториот дел потполна доминација на „небесносините“. Најпрво Милинковиќ Савиќ од слободен удар од 25 метри носи водство од 1-2, а 6 минути подоцна асистира до Кореа за 1-3.
Во 83 минута Имобиле со втор гол, овојпат од игра за 1-4, а во 94 минута повторно капитенот, и пак од пенал за конечни 1-5.
Два пенали имаше и во Рим, на „Олимпико“. Рома славеше против Фиорентина со 2-1, а двата гола од белата точка ги постигна поранешниот играч на „виолетовите“, Верету. Посебно сомнителен е вториот пенал, за 2-1 во 87 минута.
На останатите два меча во истиот термин, Удинезе на Илија Несторовски (влезе од клупата за резерви во 68 минута) славеше триумф кај Калјари со 1-0, додека „фенерџијата“ СПАЛ му зема бод на Торино, 1-1.
По ова коло, Рома направи предност од 4 бода на петтата позиција, пред шестопласираниот Милан, а Лацио на четвртата позиција се израмни по бројот на бодови со третопласираната Аталанта.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.