Спорт
Лапорта: Барселона нема да и се извини на УЕФА додека сум јас претседател
Претседателот на Барселона, Џоан Лапорта, не се откажува од проектот, европска Суперлига. Барселона, Реал и Јувентус, не се откажаа од Суперлигата, како што претходно тоа го направија Манчестер сити, Манчестер јунајтед, Ливерпул, Челси, Арсенал, Тотенхем, Интер, Милан и Атлетико Мадрид, иако УЕФА изврши силен притисок врз нив.
Лапорта, за шпанските медиуми, рекол дека и покрај заканите, Барселона нема да се повлече од овој проект, за кој смета дека е иднината на фудбалот.
„И понатаму се обидуваме да влеземе во дијалог со УЕФА. Нема да се извиниме поради обидот да ја организираме Суперлигата. Немаме намера да и кажеме на УЕФА дека ние жал, само поради тоа што сакаме да сме господари на своите судбини. Додека сум јас претседател на Барселона, ние нема да се извиниме“, рекол Лапорта.
УЕФА, имаше намера ригорозно да ги казни Барселона, Реал и Јувентус, но се откажа откако на суд беше забрането да се преземаат мерки против нив.
„УЕФА ни се закани со парични казни и со исфрлање од Лигата на шампионите. Времето покажа дека бевме во право. Се откажаа од дисциплинската постапка и не поканија да играме во Лигата на шампионите. Ова го правиме поради тоа што го сакаме фудбалот. Државните клубови можат да вложуваат многу повеќе од нас. Младите сакаат атрактивна игра, брјот на гледачи опаѓа, што значи дека има се помалку пари. Сакаме Суперлиата да биде најатрактивното натпреварување во светот. Ја повикуваме УЕФА и националните шампионати да седнеме и да разговараме. Тоа е проект кој има поголема поддршка од онаа што ја има УЕФА. Таа за солидарност плаќа 180 милиони евра, а Суперлигата тоа би го направила со 400 милиони евра. Веруваме дека слично размислува ФИФА. Реакцијата на УЕФА беше чудна, направија чекор назад“, заклучил Лапорта.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Куртоа се враќа до крајот на сезоната
Tренерот на Реал, Карло Анчелоти денеска изјави дека голманот Тибо Куртоа треба да се врати во тренажен процес за десет дена, пренесуваат шпанските медиуми.
На 20 март Куртоа беше опериран поради скинат менискус на десното колено. Шпанските медиуми потсетуваат дека белгискиот голман требаше да паузира до крајот на сезоната, но Анчелоти тврди дека Куртоа успешно се опоравува.
„Куртоа добро закрепнува, би можел да биде во тимот против Кадиз“, изјави Анчелоти.
Шпанските медиуми пренесуваат дека Куртоа сигурно ќе го пропушти натпреварот против Реал Сосиедад во Ла Лига, како и првиот полуфинален натпревар од Лигата на шампионите против Баерн.
Натпреварот од 34. коло во шпанското првенство помеѓу Реал и Кадиз ќе се одигра на четврти мај во Мадрид.
Спорт
Евролигата нема да го толерира однесувањето на Атаман
Кошаркарската Евролигата се огласи по бурната реакција и изјава на Ергин Атаман по поразот на Панатинаикос од Макаби, во Атина на стартот од четвртфиналната серија.
Во соопштението на веб-страницата на елитното натпреварување, се нагласува дека е недозволиво Атаман да ги етикетира судиите, дека таков приситсок нема да биде толериран и дека е покрената дисциплинска постапка против тренерот на Панатинаикос.
За потсетување, Атаман веднаш по натпреварот потенцираше дека судиите му доделиле шест поени на Балдивин, бидејќи досудиле два непостоечки, смешни фаули при шут за три поени, но во исто време нагласи дека ПАО продолжува понатаму, до завршниот турнир во Берлин.
Атаман на прес-конференцијата отиде чекор понатаму, велејќи дека ќе го напушти Панатинаикос доколку не избори пласман на завршниот турнир.
Макаби води во четвртфиналната серија со 1-0, вториот меч се игра вечерва повторно во Атина, а потоа следуваат два натпревари во Белград – 30 април и 2 мај, а евентуалната мајсторка ќе се игра на 8 мај во Атина.
Спорт
Гвардиола за Жоао Кансело: Ќе видиме на крајот на сезоната
Жоао Кансело е член на Манчестер Сити, а моментално е на позајмица во Барселона до крајот на сезоната. Прашање е дали Барселона сака да го отткупи неговиот договор, откако Португалецот беше означен како еден од главните виновници за елиминацијата од ПСЖ од Лигата на шампионите и поразот од Реал во Ел Класико.
Менаџерот на Манчестер Сити, Пеп Гвардиола изјави дека на крајот на сезоната ќе одлучи дали Кансело ќе се врати во клубот, пренесуваат британските медиуми.
„Се уште не сме разговарале за иднината на Кансело во нашиот клуб. Ќе разговараме на крајот на сезоната“, изјави Гвардиола.
Кансело (29) е член на Манчестер Сити од 2019 година. Тој има договор со англискиот клуб до 30 јуни 2027 година.
Вториот дел од минатата сезона Кансело го мина на позајмица во Баерн, а потоа Манчестер Сити го испрати португалскиот фудбалер на едногодишна позајмица во Барселона.
Кансело оваа сезона одигра 36 натпревари за Барселона и постигна четири гола.