Спорт
Лапорта: Кога ќе ја средиме касата ќе можеме да правиме големи планови
Претседателот на Барселона, Џоан Лапорта зборуваше за плановите на клубот за следната сезона. Тој сака да ја вклучи Барселона во борбата за трофеи и да му овозможи на Чави подобар тим.
Лапорта проговорил и за Килијан Мбапе. Одгоовирл на новинарско прашање, дали клубот е во трка за потписот на Мбапе, кој најави дека ќе го објави името на новиот клуб до финалето на Лигата на шампионите.
Се претпоставува дека Мбапе ќе заврши во Реал Мадрид, а Лапорта за каталонското радио потврди дека Барселона нема шанси во трката за потписот на францускиот напаѓач.
„Веднаш ќе ви кажам дека никогаш повеќе нема да дозволиме да влеземе во димензијата на целосно лудило со финансиите. Додека сум јас во клубот такви работи нема да се случуваат. Мбапе бара нето плата од 50 милиони евра. Тој е највисоко ниво во светскиот фудбал. Сепак, ни таков играч не е гаранција за трофеј во ЛШ, како што можете да видите“, рекол Лапорта.
„Не можеме да зборуваме за плати од 25, 30 или 40 милиони евра. Не би било фер кон играчите кои сега се во Барселона и оние кои се согласија на намалување на платата за да му помогнат на клубот. Нашите играчи треба да бидат референца во светот на фудбалот, да го направат нашиот идентитет препознатлив за сите“.
Поради тоа Барселона би можела да го доведе Роберт Левандовски од Баерн, кој најави заминување од клубот. Неговиот договор со германскиот шампион истекува на крајот на јуни 2023 година, но Полјакот сака да ја напушти Германија.
„Оставете го спортскиот сектор да си ја заврши работата. Не можам да зборувам за тие детали. Луѓето работат на тоа Барселона да има уште посилен тим, но не е лесно поради тешката финансиска ситуација. За да се случи тоа, треба да активира една од двете нерешени трансакции. Откако ќе ја средиме касата, ќе можеме да правиме големи планови“.
Лапорта индиректно кажа дека Френки де Јонг ќе ја напушти Барселона. За него клубот може да добие помеѓу 70 и 80 милиони евра.
„Има некои играчи на Барселона кои се барани на фудбалскиот пазар, ние ќе го направимеона што е најдобро за клубот. Продажбата ќе биде не само од финансиски, туку и од спортски причини. Доколку успееме да ги средиме финансиите навреме, можеби нема да има потреба од продажба“, заклучил првиот човек на Барселона.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Милик му обезбеди финале во Купот на Јувентус
Фудбалерите на Јувентус загубија од Лацио во Рим со 2:1, во вториот натпревар од полуфиналето на Купот на Италија. И покрај поразот Јувентус се пласира во своето 22. финале во Купот. Пресуди првиот меч кој Јувентус го доб со 2:0.
Лацио многу подобро го започна натпреварот, веќе во 12. минута поведе. Валентин Тати Кастеланос погоди на асистенција на Луис Алберто.
До крајот на првото полувреме немаше промена на резултатот.
Кастељанос погоди и во 49. минута, а асистент уште еднаш беше Луис Алберто – 2:0.
Се чинеше дека дуелот ќе оди во продолженија, но Јувентус успеа да се извлече во финишот.
Акрадиуш Милик, во 83.минута, во првиот контакт со топката намали на 2:1. Полјакот влезе на теренот на местото на Влаховиќ.
Јувентус во финалето го чека подобриот од дуелот меѓу Фиорентина и Аталанта.
Тимот од Фиренца успеа да слави на првиот натпревар со 1:0, реваншот е утре во Бергамо.
Финалето е на програмата на 15.мај.
Спорт
(Видео) Арсенал го декласира Челси
Арсенал го декласира Челси во заостанатиот натпревар од 29.коло во Премиер лигата. во градската пресметка со 5:0. „Тобџиите“ дојдоа до 77 бода, први се на табелата, имаат три бода повеќе од Ливерпул и три од Манчестер сити, но црвените имаат еден, а „граѓаните“ два натпревари помалку.
Арсенал во градската пресметка ги декласира „сините“ во второто полувреме. Првиот дел заврши со 1:0, со голот што го постигна Торсар во четвртата минута.
Во вториот дел се случи канонада кон глот на Челси. Вајт погоди во 52 минута, потоа Хаверц постигна два гола во 57. и 65.минута, а серијата ја заврши Вајт во 70.минута.
Спорт
Брејк на Макаби во Атина
Плеј-офот во кошаркарската Евролига започна со брејк на Макаби во ОАКА арената во Атина. Макаби го победи Панатинаикос 91:87.
Панатинаикос го контролираше натпреварот 32.минути, неколку пати зелените имаа предност од 12 поени, но не успеаја да го решат натпреварот.
Трагичар е Костас Слукас кој на 20 секунди до крајот продаде топка, а Џош Нибо од линијата за слободи го постави конечниот резултат. До тој момент Слукас одигра совршен натпревар (12 поени, 13 скокови, без загубена топка).
Најдобриот учинок во редовите на Макаби го имаше Бонзи Колсон, која забележа 18 поени со два скока, а го следеа Лоренцо Браун со 16 поени, четири скока и три асистенции, Вејд Болдвин со 15 поени со седум скока. Болдвин поради повреда не играше во последните осум минути.
Двоцифрен беше и Џош Ниебо со 12 поени и осум скока.
Кај Панатинаикос се истакна Матијас Лесор со 22 поени и шест скока, но и очајна реализација на слободните фрлања 4/11, а двоцифрени беа и Џериан Грант и Мариус Григонис со по 11 поени.
Вториот натпревар се игра за два дена исто така во Атина.