Ѕвездата на Интер, Аргентинецот Лаутаро Мартинез признава дека не бил импресиониран од изјавата на Килијан Мбапе околу споредбата на европскиот и јужноамерикански фудбал.

Пред Светското првенство во Катар во ноември, ѕвездата на ПСЖ изјави дека европските репрезентации имаат значителна предност пред јужноамериканските репрезентации.

„Аргентина нема одиграно мечеви со голем квалитет да стигне до Мундијалот. Во Јужна Америка фудбалот не е толку развиен како во Европа. Затоа на последните Светски првенства победуваат европските репрезентации“, изјави Мбапе.

Лаутаро не се согласува.

„Мнозинството од нашата репрезентација ја сочинуваат фудбалери од Европа и секогаш работиме на највисоко ниво. Задоволни сме од нашата работа. Видов што кажа Мбапе, но треба да сфати дека Аргентина и Бразил имаат големи фудбалери со неверојатен талент. Бразил, исто како нас, има многу фудбалери во Европа, така што коментарот не беше фер“, изјави Лаутаро.

Голманот на Астон вила и на аргентинската репрезентација, Емилијано Мартинез се согласува.

„Боливиј во Ла Паз, Еквадор со жештина од степени, Колумбија, каде што едвај се дише… Во Европа играат на совршени терени и немаат поим за Јужна Америка. Кога ние одиме на тренинг со репрезентацијата имаме два дена патување. Кога англиски фудбалер ои со репрезентацијата, тој е таму за половина час. Нека одат во Колумбија и Еквадор да видат колку е лесно“, коментираше Мартинез.

Актуелниот шампион МЗТ Скопје стигна до 77:52 победа над ТФТ Скопје за водство во полуфиналната серија од плејофот, а во Битола, Пелистер со 93:84 го совладаа Еуро Никел за голема предност.

„Металците“ не дозволија ново изненадување како тоа што им го приредија ТФТ во финалето на Купот на Македонија, поведувајќи со 21:17 по првата четвртина, предност која ја оддржаа во текот на целиот меч. Немања Милошевиќ со 13 поени беше најефикасен за МЗТ, Дејвис имаше 12, додека кај ТФТ, Хортон имаше 13 поени. Вториот меч од полуфиналето е во недела.

Пелистер пак, имаше убедлива предност од над 20 поени разлика против минатогодишниот вицешампион, пред во второто полувреме гостите да ја вратат рамнотежата. Малешевиќ со 27 и Кесар со 24 беа најефикасни за Пелистер.

Фото: КФМ

Тренерот на Реал Мадрид, Карло Анчелоти, верува дека неговите фудбалери се целосно подготвени да му ја донесат четвртата титула од Лигата на шампоните, но предупреди дека единственото финале кое го загубил било тоа со најдобрата игра, славниот колапс на Милан против Ливерпул во 2005.

Анчелоти, кој освои трофеи од ЛШ со Милан во 2003 и 2007 и со Реал  во 2014 (славната „десима“), признава дека уште го „боли“ поразот од Ливерпул во Истанбул, кога Милан имаше 3:0 предност за да примат три гола во шест минути во второто полувреме и да загубат на пенали.

„Ова е мое петто финале и имам добри сеќавања од сите тие мечеви. Ретко мислам на тоа, но единственото финале кое го загубив беше тоа со најдобра игра во 2005 година. Не сакам мојот тим да игра лошо, секако, но ги предупредив дека работите може да тргнат наопаку во финалето. Мораме да бидеме подготвени на секоја ситуација“, предупредува Анчелоти пред утрешното финале.

Анчелоти и Милан се одмаздија на Ливерпул во 2005 година со 2:1 победа во финалето во Атина.