Спорт
Лапорта: Згрешив со Куман, Чави еден ден ќе биде тренер на Барса
Претседателот на Барселона, Џоан Лапорта, не можел да потврди дали Чави ќе биде новиот тренер и признал дека згрешил што порано не го отпуштил Роналд Куман.
Лапорта, во средата вечерта, по поразот од Рајо Ваљекано, му врачи отказ на Куман. Вчера, објави дека в.д. тренер е биде Серхи Бархуан.
„Моравме да реагираме, ситуацијата стана неиздржлива. Можеби требаше порано да го отпуштиме Куман, одговорноста за тоа е моја“, рекол Лапорта на прес конференцијата.
„Нема да ви кажам кои ни се опциите за нов тренер. Тоа не би било професионално. Не сакаме некому да наштетиме“.
„Чави има препораки од луѓето кои му се блиски и кои го познаваат многу подобро од мене. Често се слушаме. Знам што мисли за овој тим, има јасен план што треба да се направи“, рекол Лапорта и продолжил.
„Јас со него разговарав во периодот кога беа изборите. Тогаш му лажав дека сакам Куман да го заврши она што го започна. За што сега разговараме е наша приватна работа. Еден ден Чави ќе биде тренер на Барселона. Би сакал тоа да се случи додека сум јас претседател, но не знам кога ќе се случи. Им верувам на моите соработници, тие ќе проценат кое е најдоброто решение за клубот“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.