Спорт
Латифи имал телохранители по заканите со смрт од фановите на Хамилтон
Возачот на Вилијамс, Канаѓаецот Николас Латифи признава дека бил загрижен за заканите со смрт кои ги добил по трката во Абу Даби и дека најмил телохранители кои го чувале него и неговата девојка.
Латифи се судри во финишот на последната Ф1 трка од минатата сезона, по што на патеката излезе безбедносното возило, кое на крајот го чинеше Луис Хамилтон титулата, дозволувајќи му на Макс Ферстапен да го претекне во последниот круг и да стане шампион. Неколку дена по трката, Латифи призна дека добивал многу „грди“ пораки преку социјалните мрежи и сега објаснува дека ги сфатил многу сериозно.
„Знам дека за некои луѓе тоа изгледа смешно, но откај знаете со кого си имате работа и колку се сериозни тие луѓе. Потребен е само еден пијан фан на аеродром или да налеташ на некој што имал лош ден. Бев во Лондон по трката и имав обезбедување со мене кога правев одредени работи. Бев излезен со мојата девојка и обезбедувањето беше тука. Јас ги сфатив заканите многу сериозно“, вели Латифи.
Тој признава дека добил порака од Луис Хамилтон неколку дена од трката и дека добил поддршка од седумкратниот шампион, но не сакаше да каже што точно разговарале.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.